肯德基家鄉雞 (KFC)

营业中

休息中

KFC近年好积极，有好多新搅作。近期仲玩埋爆谷。除咗爆谷鸡之外，仲有爆谷雪糕。十几蚊一杯，平平地，做饭后甜品都唔错，一于买嚟试吓先。去到KFC，见到仲有朱古力&曲奇味雪糕，卖相吸引，所以我即时转軚，拣咗朱古力味雪糕，而朋友就拣咗爆谷雪糕。朋友话焦糖爆谷稍甜，但雪糕嘅云呢拿味就比M记好食，值得一试。朱古力雪糕就味道正常，上面𠮶条朱古力脆条好香脆，甜筒食到最底都仲有雪糕，好味。另外值得一赞嘅系服务窝心。服务员会先叫客人埋柜台，先至去整雪糕，咁就唔怕客人行开咗攞唔切，而令到雪糕溶掉，服务确实比M记好。