Su Casa (已結業)

📍九龙湾 Su Casa今次嚟到九展，一入佢嘅侧门已经见到呢一间行简约日系风嘅餐厅。餐厅分为两个部份，分别系主食区同埋party区。餐厅系小朋友friendly，提供左唔同嘅儿童餐，同埋见到入嚟嘅小朋友都有一幅填色画可以玩🩷。今次系晏昼嚟食，所以有一啲set lunch可以选择👏🏻。套餐除咗主菜之外，每个餐都有甘笋汤，同埋一杯有机亚麻籽绿茶，听到个名都感觉到非常健康💪🏻。• Set H纽西兰牛西冷配薯条 $138本身谂住嚟到Cafe，对牛扒嘅质素都唔抱好大期望，但系呢个西冷真系非常出色， CP值非常高。佢系可以选择熟成度，我就选择咗medium。佢嘅肉质非常滑嫩，绝对唔会觉得韧。而且佢嘅薯条啱啱炸起，好香口🍟。• Set F 低温焗美国嫩鸡伴牛油果合桃羽衣甘蓝藜麦沙律 $98呢个沙律真系超级Fresh，厨师已经帮我哋混合左啲沙律醋，再加上佢嘅牛油果酱入边有合桃，非常之有咬口。佢嘅鸡胸都好出色，唔会煮到过时，系滑嫩嘅𠮶一种肉质🍴。