影片
更多
2017-06-29
288 浏览
嚟到荃湾南丰中心嘅Kim’s Spoon，由扶手电梯上到嚟转右就到。入面都几开扬，感觉唔错。呢边仲望到地铁站。呢次嚟嘅目的系要试餐厅嘅弘大至热选，可以一次过食到近期韩国大热嘅食物。等紧嘢食嚟𠮶阵见台上面有个黑色嘅壶，打开一睇原来系泡菜。我去过嘅韩国餐厅唔算少，除咗某啲韩烧放题之外，任食客自取泡菜嘅餐厅都系第一次见，对于钟意泡菜嘅人嚟讲真系会加唔少印象分。之后侍应就将张台执好，再拎块长度可以横跨两张台嘅大木板嚟，上面放咗弘大至热选嘅嘢食，就咁睇都觉得丰富。侍应叮嘱我哋要食咗呢个忌廉香辣炒年糕先，上层唧满忌廉，同埋洒咗装饰彩糖，卖相似系甜品咁。辣炒年糕就埋藏晌忌廉之下。我都有听闻近期韩国兴起忌廉热，将佢同乌冬等等咸食结合埋一齐，听落真系觉得有少少怪。下层除咗烟烟韧韧嘅年糕之外，仲有鱼糕同泡菜。我战战兢兢咁将佢哋同忌廉捞匀，睇落唔啦更，辣炒年糕食起上嚟嘅辣味就俾忌廉中和咗，味道比想像中讨好。甜辣炸鸡，炸鸡表面有甜甜辣辣嘅酱汁，几惹味。呢盘有面包、薯条、饼干、粟米沙律同杂菜沙律，中间就用车打芝士、水牛芝士、汉堡扒、泡菜炒饭组成，仲用咗紫菜同炸年糕造型，睇落有少少似熊仔，几得意。成个组合都比较稳
嚟到荃湾南丰中心嘅Kim’s Spoon，由扶手电梯上到嚟转右就到。
入面都几开扬，感觉唔错。
呢边仲望到地铁站。
呢次嚟嘅目的系要试餐厅嘅弘大至热选，可以一次过食到近期韩国大热嘅食物。
泡菜
28 浏览
0 赞好
0 留言
等紧嘢食嚟𠮶阵见台上面有个黑色嘅壶，打开一睇原来系泡菜。我去过嘅韩国餐厅唔算少，除咗某啲韩烧放题之外，任食客自取泡菜嘅餐厅都系第一次见，对于钟意泡菜嘅人嚟讲真系会加唔少印象分。
弘大至热选
14 浏览
0 赞好
0 留言
之后侍应就将张台执好，再拎块长度可以横跨两张台嘅大木板嚟，上面放咗弘大至热选嘅嘢食，就咁睇都觉得丰富。
侍应叮嘱我哋要食咗呢个忌廉香辣炒年糕先，上层唧满忌廉，同埋洒咗装饰彩糖，卖相似系甜品咁。辣炒年糕就埋藏晌忌廉之下。
我都有听闻近期韩国兴起忌廉热，将佢同乌冬等等咸食结合埋一齐，听落真系觉得有少少怪。
下层除咗烟烟韧韧嘅年糕之外，仲有鱼糕同泡菜。
我战战兢兢咁将佢哋同忌廉捞匀，睇落唔啦更，辣炒年糕食起上嚟嘅辣味就俾忌廉中和咗，味道比想像中讨好。
甜辣炸鸡，炸鸡表面有甜甜辣辣嘅酱汁，几惹味。
呢盘有面包、薯条、饼干、粟米沙律同杂菜沙律，中间就用车打芝士、水牛芝士、汉堡扒、泡菜炒饭组成，仲用咗紫菜同炸年糕造型，睇落有少少似熊仔，几得意。
成个组合都比较稳阵，泡菜炒饭虽然嚟唔切食而变冻咗，不过个味道都唔错，只系汉堡扒同薯条比较干身同腍身。
美国肩胛翼板牛肉
15 浏览
0 赞好
0 留言
嚟到最后，呢个弘大至热选入面仲有烧肉。
美国肩胛翼板牛肉
42 浏览
0 赞好
0 留言
餐牌写系美国肩胛翼板牛肉嚟，仲有啲冬菇、红椒同紫洋葱伴碟。
侧边放咗烧汁、芥末汁、牛油同酸瓜，系用嚟蘸烧肉食嘅。
美国肩胛翼板牛肉
11 浏览
0 赞好
0 留言
牛肉烧好之后有一条条铁板坑纹，口感几软嫩，唔错啊！
天气有啲热，于是叫埋两杯饮品试试。西柚石榴沙冰，味道酸酸哋几清新。
白桃沙冰就系用沙冰再加桃味汽酒炮制，饮起上嚟几香甜，唔似晌度饮酒。只系佢啲沙冰嘅溶化速度比西柚石榴𠮶杯快好多，不过都总算冰凉解渴。
张贴
