Hello Kitty 中菜軒 (已結業)

Hello Kitty喺我由细到大都好钟意嘅卡通人物，宜家有好多以各种各样为主题嘅餐厅，所以我一直都好想去试下以Hello Kitty为主题嘅野食！！终于皇天不负有心人，俾我揾到啦！！于是今日我就带住一家大细过嚟饮茶啦~~Hell Kitty腊肠卷，出面喺Kitty外形嘅卷卷蒸包，而入面包住嘅喺两条超级粗嘅腊肠，腊肠肥猪肉唔算太多，仲可以接受。不过外形咁得意，真系好唔舍得咬落去啊~~HelloKitty土鱿玉蝴蝶，个名起得真系好靓，不过就系平时饮茶食开嘅野，感觉无咩特别。Hello Kitty虾饺皇，虾饺皮整成Kitty嘅形状，入面嘅虾都几多下，而且啲虾好爽口弹牙，比较新鲜。而且虾饺嘅外形真喺好精致！！台湾紫梅骨。味道酸酸甜甜好开胃。而且排骨肉蒸的好淋，好易入口。再加上独配嘅酱汁！香酥鸡，鸡皮非常酥脆，而且鸡肉好嫩，鸡肉嘅份量比较大，最好新鲜出炉，趁热食。