PARK Cafe (已結業)

纳入狠狠惩罚系列原因 - 播歌、集会游行派水、贴民主派区议员海报、响应罢工作为大埔人紧系要撑大埔黄店，呢间连 周庭都去过认证，呢个舖位近来都开咩执咩，希望大家可以惩罚到黄店可以长久生存。门口已经贴左成个大埔区既票投民主派既海报，总之你行过都会见到应该果区投边一个，仲有几箱水可以派，入面座位唔算多，平日黎都要等位。《蒜香白酒蚬意粉》($238套餐价）：唔驶谂可以叫套餐，除左主菜仲包埋意粉，有汤有野饮都系二百几蚊好抵食，个磨菇汤超浓超足料，意粉一黎到已经闻到劲香蒜味，意粉湿度岩岩好，有淡淡既白酒味，蚬都有几多只仲只只有肉，唔似出面食咁甩头甩骨，意粉仲伴上洋葱同菇仔。《薄烧美国牛小扒》：等左一阵主菜牛小扒都黎埋，牛扒有成三大块，每块都劲嫩牛味都好出，不过稍为重手左少少有啲咸，底下仲有热辣辣薯角超脆身。店名：PARK Cafe地址：大埔安泰路1号大埔广场地下5号舖餐牌