影片
更多
2018-11-07
1477 浏览
今次我地一上就上到38楼，去到高高既餐厅庆祝，可以望到劲大个维港，仲要系酒店几grand既环境食饭，庆祝都系唔错既选择。成个场地都几大楼底而好高，同埋成个格局都好有格调，一入去中间就放左个酒台，庆祝当然要饮番一杯，唔少得仲有酒吧台可以坐，食饭又得饮下野又得。最开心系坐亲窗边就会见到劲大个维港景，今次真系睇足270度既维港，而且较岩时间食晚餐仲可以坐定定就睇到幻彩咏香江。叫完野食就先黎个面包，好耐无见过既三色牛油，中间系普通牛油，最底系最好食既有蒜香，面包除左两个松软既仲有两条脆脆。店员推荐既《蟹肉双重奏》($188)，好特别地用左冰水晶球，成个都冻冰冰都好特别，蓝蟹肉沙律再配上阿拉斯加蟹脚，混入牛油果同芒果够鲜甜。唔少得要食番个《新鲜生蚝》($168)，当晚既生蚝黎自爱尔兰，只只都几新鲜，一阵间就清左盘。主食《自家制小麦意大利面》($288)，自制小麦意粉弹牙又好挂汁，有阵阵麦香味，入面配有海鲜包括鱼块、八瓜鱼、蚬肉等等几丰富。另一个主食《香烤10 oz Prime美国肉眼扒》($368)，餐厅有牛柳同牛扒，想大大块咁食拣左锯扒，半熟加上红酒汁，再拌上热辣辣既脆皮薯条好满足。庆祝既一定
今次我地一上就上到38楼，去到高高既餐厅庆祝，可以望到劲大个维港，仲要系酒店几grand既环境食饭，庆祝都系唔错既选择。
成个场地都几大楼底而好高，同埋成个格局都好有格调，一入去中间就放左个酒台，庆祝当然要饮番一杯，唔少得仲有酒吧台可以坐，食饭又得饮下野又得。
最开心系坐亲窗边就会见到劲大个维港景，今次真系睇足270度既维港，而且较岩时间食晚餐仲可以坐定定就睇到幻彩咏香江。
叫完野食就先黎个面包，好耐无见过既三色牛油，中间系普通牛油，最底系最好食既有蒜香，面包除左两个松软既仲有两条脆脆。
店员推荐既《蟹肉双重奏》($188)，好特别地用左冰水晶球，成个都冻冰冰都好特别，蓝蟹肉沙律再配上阿拉斯加蟹脚，混入牛油果同芒果够鲜甜。
唔少得要食番个《新鲜生蚝》($168)，当晚既生蚝黎自爱尔兰，只只都几新鲜，一阵间就清左盘。
主食《自家制小麦意大利面》($288)，自制小麦意粉弹牙又好挂汁，有阵阵麦香味，入面配有海鲜包括鱼块、八瓜鱼、蚬肉等等几丰富。
另一个主食《香烤10 oz Prime美国肉眼扒》($368)，餐厅有牛柳同牛扒，想大大块咁食拣左锯扒，半熟加上红酒汁，再拌上热辣辣既脆皮薯条好满足。
庆祝既一定要叫《玫瑰花雪糕》，呢个直情表演一样，先用氮气冰左雪糕，再冻埋可食用玫瑰花，等佢散落系盘上，净系睇都值回票价。
店名：AVA Restaurant Slash Bar
地址：尖沙咀赫德道8A号丽景酒店38楼
餐牌:
张贴
