影片
更多
2019-01-27
684 浏览
就黎到新年，要庆祝终于又过一年最好就系食番餐满足又自己钟意既野食就开心，拣紧就见到呢间用炭烧同韩牛既韩烧店，一谂起食最爱既牛肉已经劲兴奋。餐厅用上柞木加上网烧，木炭可以烧得耐更令牛肉有炭香味，而且个火力更猛，可以用短时间将精华留住系牛肉入面。当然唔少得就系韩烧必要既芝士栗米，烧溶芝士之后拉丝咁食真系无得顶。前菜方面都好有特式，原壶上枱既泡菜比一般餐厅唔同，店员即席系面前剪开一颗颗既腌好既泡菜，同平时餐厅唔同更加多一份即制既体验。就黎新年想食好野又唔想谂最好就叫套餐，《尊贵新年套餐》($680)先黎个头盘《九节板》，系过年必食既吉祥食物，用上脆脆既紫菜米饼，包住韩牛、蟹柳、红萝卜、青瓜、冬菇等劲香口。店员仲会帮手整高贵《海胆牛柳饭》，店员先将牛肉一整块咁放上去烧，期间仲会讲解韩牛既由来同埋烧既方法，烧好后剪开放系饭上面加上海胆，自然系有鲜味又有油香，捞饭食真系一碗话咁快就食完。再黎就系烧海鲜拼盘，先黎烧劲大条既《济州八爪鱼》，店员一夹起真系超夸张，摊开真系可以霸哂成个炉，烧好剪开食有好香既炭烧味。带子都系烧好再烤一烤边就食得。主菜紧系有韩牛拼盘，包括左有《1++韩牛牛梅花肉》、《1++韩
就黎到新年，要庆祝终于又过一年最好就系食番餐满足又自己钟意既野食就开心，拣紧就见到呢间用炭烧同韩牛既韩烧店，一谂起食最爱既牛肉已经劲兴奋。
餐厅用上柞木加上网烧，木炭可以烧得耐更令牛肉有炭香味，而且个火力更猛，可以用短时间将精华留住系牛肉入面。当然唔少得就系韩烧必要既芝士栗米，烧溶芝士之后拉丝咁食真系无得顶。
前菜方面都好有特式，原壶上枱既泡菜比一般餐厅唔同，店员即席系面前剪开一颗颗既腌好既泡菜，同平时餐厅唔同更加多一份即制既体验。
就黎新年想食好野又唔想谂最好就叫套餐，《尊贵新年套餐》($680)先黎个头盘《九节板》，系过年必食既吉祥食物，用上脆脆既紫菜米饼，包住韩牛、蟹柳、红萝卜、青瓜、冬菇等劲香口。
店员仲会帮手整高贵《海胆牛柳饭》，店员先将牛肉一整块咁放上去烧，期间仲会讲解韩牛既由来同埋烧既方法，烧好后剪开放系饭上面加上海胆，自然系有鲜味又有油香，捞饭食真系一碗话咁快就食完。
再黎就系烧海鲜拼盘，先黎烧劲大条既《济州八爪鱼》，店员一夹起真系超夸张，摊开真系可以霸哂成个炉，烧好剪开食有好香既炭烧味。带子都系烧好再烤一烤边就食得。
主菜紧系有韩牛拼盘，包括左有《1++韩牛牛梅花肉》、《1++韩牛牛胸腹肉》、《1++韩牛牛肩肉》、《1++韩牛牛肋骨边肉》，烧既时侯已经劲香而且加上油脂真系好抢火，烧果阵已经好有睇头。韩牛一放入口阵油脂爆哂出黎，而且好柔嫩，用上靓靓既韩牛真系款款都牛味浓郁。
食完咁多肉唔少得要有埋个《精选野菜》拼盘清一清，居然有钟意食既秋葵，全部一次过放上去烧一阵就食得，每款都仲系好新鲜。
后记：想赞一赞店员除左会耐心帮我地烧同介绍食物之外，因为有啲突发意外佢地都好细心落力帮忙，呢个真系值得要赞扬当日既店员。
店名：柞木炭家
地址：旺角弥敦道700号T.O.P This is Our Place 5楼501号舖
餐牌:
张贴
