影片
更多
2018-01-24
490 浏览
见到介绍有一大盘新鲜海鲜打边炉好吸引，除左海鲜仲有唔同既配料可以拣，见到都好似好多野食，最后仲可以食埋粥，于是就去试一试。行经门口已经见到有两大盘Sample放左系度，真系几大盘，新张开业期间原来只系$198一个人，如果真系足料又几抵食。墙身设计左好多海鲜图案，有鱼有蟹好有色彩，有卡位坐得舒服啲，不过去到已经无哂坐系中间就有少少迫喇。有哂食法俾你睇，每样海鲜话哂你知大约要等几耐就食得，咁你跟番个时间就唔会恰到过哂龙喇。叫完之后当然就要先混酱，豉油都走唔甩系辣椒蒜同葱，之后仲会送上麻酱沙律做前菜。拣左椰子同菠菜汤底，菠菜汤底黎到成个都系绿色，饮落比较淡身，椰子真系闻到超清香，饮落椰子味都几香浓。一黎到真系大大盘，张台都差啲放唔落，入面总共有六款海鲜，有鲍鱼花甲海虾蚬贵妃蚌同成只蟹，下面放上好多冰保鲜。写好哂每款要煮几耐咁就跟住做喇，见到啲蚬身都好干净，就咁渌两至三分钟就食得，入面干净无沙都唔错，细细粒但系每粒都几饱满。花甲就大大只，都系十分干净，呢样真系好欣赏，试过有啲见到个样都已经觉得好污漕，渌到打开口就食得，入面都系好大只够抵食。愈食愈大只去到贵妃蚌，见个样都好靓，食落仲系觉得啖啖肉
见到介绍有一大盘新鲜海鲜打边炉好吸引，除左海鲜仲有唔同既配料可以拣，见到都好似好多野食，最后仲可以食埋粥，于是就去试一试。行经门口已经见到有两大盘Sample放左系度，真系几大盘，新张开业期间原来只系$198一个人，如果真系足料又几抵食。
墙身设计左好多海鲜图案，有鱼有蟹好有色彩，有卡位坐得舒服啲，不过去到已经无哂坐系中间就有少少迫喇。
有哂食法俾你睇，每样海鲜话哂你知大约要等几耐就食得，咁你跟番个时间就唔会恰到过哂龙喇。
叫完之后当然就要先混酱，豉油都走唔甩系辣椒蒜同葱，之后仲会送上麻酱沙律做前菜。
拣左椰子同菠菜汤底，菠菜汤底黎到成个都系绿色，饮落比较淡身，椰子真系闻到超清香，饮落椰子味都几香浓。
一黎到真系大大盘，张台都差啲放唔落，入面总共有六款海鲜，有鲍鱼花甲海虾蚬贵妃蚌同成只蟹，下面放上好多冰保鲜。
写好哂每款要煮几耐咁就跟住做喇，见到啲蚬身都好干净，就咁渌两至三分钟就食得，入面干净无沙都唔错，细细粒但系每粒都几饱满。
花甲就大大只，都系十分干净，呢样真系好欣赏，试过有啲见到个样都已经觉得好污漕，渌到打开口就食得，入面都系好大只够抵食。
愈食愈大只去到贵妃蚌，见个样都好靓，食落仲系觉得啖啖肉好鲜味。
鲍鱼好细心起埋壳，就咁放成旧落去又干净又唔驶晒时间整走个壳，等几分钟又有得食，都无咩点大缩水好新鲜。
海虾真系好新鲜，见到人地介绍既仲识跳，虽然我呢个唔识不过见到都唔会好老，食落口唔会梅身。
最后到大大只蟹喇，整完之后阵间煮粥就够哂味，入面都好多肉，如果你想既可以留起少少阵间煮埋变蟹粥。
食完海鲜仲有丸喇饺子喇菜喇同豚肉拼盘，仲可以每人拣多三款配抖，有豚肉再自己加左牛肉，折埋左整开都几大块。
当然唔少得最爱既午餐肉同埋响铃，不过放埋一齐个响铃湿左水就淋左，午餐肉就一定好食架喇。
仲有墨鱼滑，好多款丸同饺子，食完之后已经觉得饱肚，加埋仲有娃娃菜跟唔止食肉仲有菜清下。
最后仲加埋南瓜芋头粒同粥一齐食，混埋椰子同海鲜真系几清香，不过汤头净番太多就落粥，如果少啲汤先加埋食感觉更好。
店名：一锅疯
地址：旺角砵兰街139号地下
餐牌:
张贴
