影片
更多
2010-05-08
15 浏览
1976就开店，理论上应该好识做生意至系，不过呢... 我强烈建议唔够四个人真系唔好去呢度食野，因为即使你老早订左枱，两三个人都系要同其他人搭枱，反而四至六个人就可以有大堂窗口位，大家都系订枱都有唔同待遇。听讲午市无四个人以上系无得订枱o既，晚市两个人都要睇情况先订到，老实讲，如果住得近近地真系无所谓，大老远过去食就无谓喇，唔值。 必须一提o既系，黎呢度真系要好锡炉烧，事关铁板只能换一次，再换就要加钱。每个客都会有杯茶上，refill 算快，但系人头价唔包任饮，另叫就每jar 计钱。任食时间只有个半钟。 基本上呢度食物质素几高(调味有问题，时淡时咸，不过唔觉有味精，可能因为我无饮汤)，肉食主要系牛同猪，因为可以拣o既动物身体部份比较多，如果单单讲肉食种类，大概系猪、牛、羊、鸭同鸡，海觧方面有螺肉、鱼柳、青口、虾(仲识郁好新鲜)、鲭鱼、秋刀鱼、多春鱼、鱿鱼同墨鱼仔。比较推荐系金菇牛肉卷，佢里面包埋葱，几好食。其他肉食并无发现变质情况，但落味都几重，野食烧完可能要过水。 其他目测到o既食物：泡菜多款、凉粉、猪脚姜(韩烧㖞?!!!!)、人参鸡汤、啫喱、香菇(应该系生，可烧)、薯仔沙
必须一提o既系，黎呢度真系要好锡炉烧，事关铁板只能换一次，再换就要加钱。每个客都会有杯茶上，refill 算快，但系人头价唔包任饮，另叫就每jar 计钱。任食时间只有个半钟。
基本上呢度食物质素几高(调味有问题，时淡时咸，不过唔觉有味精，可能因为我无饮汤)，肉食主要系牛同猪，因为可以拣o既动物身体部份比较多，如果单单讲肉食种类，大概系猪、牛、羊、鸭同鸡，海觧方面有螺肉、鱼柳、青口、虾(仲识郁好新鲜)、鲭鱼、秋刀鱼、多春鱼、鱿鱼同墨鱼仔。比较推荐系金菇牛肉卷，佢里面包埋葱，几好食。其他肉食并无发现变质情况，但落味都几重，野食烧完可能要过水。
其他目测到o既食物：泡菜多款、凉粉、猪脚姜(韩烧㖞?!!!!)、人参鸡汤、啫喱、香菇(应该系生，可烧)、薯仔沙律、南瓜西米糖水、餐汤(鸡粉色唔知咩汤)、炸饺子、卷物。
至于呢度o既服务，个人认为除左安排座位有问题之外，收碟、通风同侍应态度都好好。据我目测观察，四人以上o既餐枱坐得都几松，但系搭枱就非常逼，无心理准备o既两三人约会绝对唔适合呢度。
另外回应楼下有人话间舖离地铁站好远o既问题，我想讲无论由炮台山站定系北角站过去，十五分钟系必到，google 提供时间亦不多于十分钟，远唔远就请大家自己判断，我唔多讲喇。
总括而言，韩烧任食有呢种食物质素真系少有，话佢味重，比佢重o既店家多的是。但系连埋加一要$141一位食个半钟系咪值呢？我觉得唔值啰，尤其系我老远跨区搭船过去，加埋车费非常贵，更加唔好讲呢度靠订枱黎做生意，客人要非常准时拎枱同交枱，根本食唔到D乜野(开大个火可以烧好多野，但会出现好多镬捞，而铁板又只能换一次，变相要慢慢烧)。
张贴