Bingo & Cook (駱克駅) (已搬遷) 新店位置

KR! 去韩国前就黎哩度热下身！韩式无骨烤鸡…其实本来想拣酱油味，不过问过店员话甜辣酱唔系太辣，甜味重d，所以朋友就鼓励我一试果然甜味比辣味重好多，辣味完全接受到！鸡件大大小小，大约有十件，烤鸡入味，烤得又不至太干仲有少少肉汁。旁边既两大粒烤薯仔好淋好好味。附上既几款酱料各有特色，个人觉得蒜味酱油同烤鸡最夹！原只炸鱿弹弹面…大只炸鲜鱿上枱后会由oppa剪成一圈圈，鲜鱿炸得脆口又唔韧，底下既弹弹面名乎其实好弹牙！质感烟韧， 一夹起就弹出黎韩式酱汁辣辣地几开胃，仲有d椰菜、青红黄椒呀咁，如果再加几旧年糕条就正噜。烤牛肉韮菜饼…冇期望既野永远都有惊喜！平时泡菜饼就食得多，哩个牛肉烤饼就好少见喇，一上枱就好香！韮菜同牛肉既份量都好多好足料！牛肉虽然系碎牛，但同煎饼好夹。仲煎得两面微脆，识食一定食边边位！！建议要劲蘸附上既甜甜地既酱油汁，味道超配合之余仲大大减低油腻感韩国米酒(柚子、西柚)…去韩国点都要试下米酒既！我就拣左韩国特产柚子，味道清香柚子味特出，又唔会盖过米酒既味道。朋友就叫左西柚味，西柚味浓，米酒味相对比较弱，绝对系饮米酒既入门版。