影片
更多
2018-02-06
3310 浏览
观塘区工厂大厦近来多左好多隐世小店，食肆愈来愈多。今次同朋友经开观塘就嚟试下呢间韩式fusion菜。地址都易揾，近MTR。嚟到见门口墙身挂左唔少热门推介的食物，令人愈睇愈想快啲食。工厦区食店既好处就系地方阔落啲，大家一班朋友嚟都唔洗坐得咁迫。我地一行3人，各人叫几款share。天国的猪蹄$76第一道上既菜系猪蹄，听个名都想笑。不过味道都唔错，有啲似系韩国食既猪脚味道够浓，猪皮烟烟韧韧好好食，仲有豆腐同泡菜一齐食减低油腻感。韩风柚子蜜炸鸡-半份$98可以拣有骨或冇骨，我地叫左冇骨。半份份量都唔少，3个人食每人都有2旧，柚子蜜甜甜地有啲似平时冲嚟饮既个只味，加上冇骨炸鸡啖啖肉，对嗜甜既我嚟讲好好食。卡邦尼年糕$62原本以为得好少点知份量超级多。年糕份量比足仲有啲烟肉同香草，食落蛋黄味较重同酱较杰身，朋友钟意creamy啲，但我个人钟意呢款多啲。芝士高丽酱烤鸡$68到今晚既重头戏，呢道菜系我地3个都一眼睇中想叫，因为有邪恶既芝士。呢款都可以拣有骨或冇骨，今次要左有骨。鸡肉用特制高丽酱腌过烤熟，再加芝士用铁铲载住上，之后用炉火加热，等芝士溶左店员会帮你将芝士绕住炸鸡再夹比你，非常窝心。炸鸡皮脆
地址都易揾，近MTR。嚟到见门口墙身挂左唔少热门推介的食物，令人愈睇愈想快啲食。
工厦区食店既好处就系地方阔落啲，大家一班朋友嚟都唔洗坐得咁迫。
我地一行3人，各人叫几款share。
天国的猪蹄$76
第一道上既菜系猪蹄，听个名都想笑。不过味道都唔错，有啲似系韩国食既猪脚味道够浓，猪皮烟烟韧韧好好食，仲有豆腐同泡菜一齐食减低油腻感。
韩风柚子蜜炸鸡-半份$98
可以拣有骨或冇骨，我地叫左冇骨。半份份量都唔少，3个人食每人都有2旧，柚子蜜甜甜地有啲似平时冲嚟饮既个只味，加上冇骨炸鸡啖啖肉，对嗜甜既我嚟讲好好食。
卡邦尼年糕$62
原本以为得好少点知份量超级多。年糕份量比足仲有啲烟肉同香草，食落蛋黄味较重同酱较杰身，朋友钟意creamy啲，但我个人钟意呢款多啲。
芝士高丽酱烤鸡$68
到今晚既重头戏，呢道菜系我地3个都一眼睇中想叫，因为有邪恶既芝士。呢款都可以拣有骨或冇骨，今次要左有骨。鸡肉用特制高丽酱腌过烤熟，再加芝士用铁铲载住上，之后用炉火加热，等芝士溶左店员会帮你将芝士绕住炸鸡再夹比你，非常窝心。炸鸡皮脆肉嫩，腌到啱啱好，仲有惹味芝士包住，冇得输。
火红烧鸡翼$36
鸡翼烧得啱啱好，皮脆肉嫩而且唔会太辣。
胡麻鸡肉水冷面$68
呢个冷面有惊喜，食完咁多炸鸡、芝士，想食返啲冇咁油腻既食物。呢个水冷面清清地可以解腻，仲有梨系入面，蛋亦系溏心蛋，诚意之作。
整体而言都算唔错，而且份量够多，啱哂约埋朋友一齐嚟食。
张贴
