影片
更多
2024-06-11
59 浏览
系初尝fine dining唔错嘅选择，当平时未试过去啲高级餐厅时，总会有啲淆嘅感觉，呢间餐厅细细地，无咁多人时都无咁大压力，可以放松啲咁品尝美食。因为唔太肚饿，所以只叫左一个6-course dinner set再另外单点，但佢都仲另外有啲多啲course嘅，下次可以一试今天餐单：Dinner Set 配红/白酒/茶($799) 巴马火腿果仁沙律 顶级鹅肝野菌忌廉浓汤 自家制蓝花蟹饼 慢煮西班牙黑毛猪鞍焦糖苹果 比利时朱古力心太软威灵顿牛柳($438)法式焦糖苹果酥($118)Draught Beer - L’amour ($99)Dinner Set CP值真系好高，因为佢全部courses都好认真做自家制蓝花蟹饼外表睇落可能平平无奇，但切开佢就会见到材料十足，一丝丝嘅蟹肉比得绝不留手，而外面炸衣亦唔会油腻。慢煮西班牙黑毛猪鞍焦糖苹果嘅猪鞍肉质软稔，慢煮嘅做法保留到肉汁，即使无加好多调味，但仍然可口。焦糖苹果作为配菜，唔会太过甜腻，会想令人一啖接一啖。威灵顿牛柳层次分明，酥皮入面嘅蘑菇酱入口时微微地透出，牛柳软熟。特别一提，摆盘同伴菜都有花心
今天餐单：
Dinner Set 配红/白酒/茶($799)
巴马火腿果仁沙律
顶级鹅肝野菌忌廉浓汤
自家制蓝花蟹饼
慢煮西班牙黑毛猪鞍焦糖苹果
比利时朱古力心太软
威灵顿牛柳($438)
法式焦糖苹果酥($118)
Draught Beer - L’amour ($99)
Dinner Set CP值真系好高，因为佢全部courses都好认真做自家制蓝花蟹饼外表睇落可能平平无奇，但切开佢就会见到材料十足，一丝丝嘅蟹肉比得绝不留手，而外面炸衣亦唔会油腻。
慢煮西班牙黑毛猪鞍焦糖苹果嘅猪鞍肉质软稔，慢煮嘅做法保留到肉汁，即使无加好多调味，但仍然可口。焦糖苹果作为配菜，唔会太过甜腻，会想令人一啖接一啖。威灵顿牛柳层次分明，酥皮入面嘅蘑菇酱入口时微微地透出，牛柳软熟。特别一提，摆盘同伴菜都有花心思，颜色养眼之余，南瓜蓉、薯蓉同紫薯蓉都好食，厨师兼顾晒食香味三样，值得一赞。
两款甜品亦都系出色之作，上枱时都仲系啱啱出炉嘅状态。比利时朱古力心太软味道浓厚，切开朱古力软心缓缓流出。法式焦糖苹果酥亦做到外酥内软，咸甜交集。
特有嘅L'AMOUR draught beer都值得一提，以餐厅名命名就知对佢充满信心，自带一种独特嘅焦糖香气，推荐一试。本身谂住讲下边啲菜式做得特别出色，先发现好难勾一种出嚟讲，因为真系全部都有佢优胜之处。亦要一赞侍应嘅细心，留意到佢地会不断留意住顾客嘅状态，好迅速地上下一道菜同收起餐盘。
餐厅属于小店，位置有限，但装修落足心思，特别日子值得嚟呢度庆祝一下，享受美食之余，仲可以打下卡影下相。
= L'AMOUR // 太和大埔太和路15号太和中心地下38号舖 // 98884532 =
张贴
