影片
更多
2024-05-23
90 浏览
想食嘅餐厅满座，改去食La Barra Tapas Spanish Restaurant。早一日预约，事前会有WhatsApp确认订座。餐厅距离长沙湾地铁站大约7分钟路程。-餐厅铺面细，座位小，唔逼，设有最低消费每人$250，食物种类少，部份要预订。店员热情，点餐前先介绍是日限定。-松露蘑菇可乐饼、蟹肉可乐饼 、墨汁鱿鱼可乐饼 每个$20可乐饼太细份，形状不一，表面有酱，店员提醒最后先食墨汁鱿鱼可乐饼，外脆内呈奶油状。松露蘑菇可乐饼，有菌香，口感糊状。墨汁鱿鱼可乐饼，冇味，绰头大过味道。蟹肉可乐饼最为出色，蟹肉多，配奶油口感绵绵。-Broken egg $98已经调味嘅幼脆薯条垫底，配腊肉粒、两只煎蛋，份量正常，煎蛋太熟，腊肉粒偏咸，唔香，唔夹，薯条脆，友人笑称似平时日本薯条零食，整体偏咸，性价比略低。-Hanger steak $168封门柳系属前菜嘅话份量正常，属主菜嘅话份量太少，定价尴尬，调味生熟度刚好，唔韧，有牛味同肉汁，酱汁浓度刚好，冇抢味，垫底系鹰嘴豆蓉，份量太少，每旧牛肉沾咗少少豆蓉就话有，味道淡。-西班牙红虾饭 $368份量略少，卖相几好，店员帮手处理红虾，饭入面有虾肉
-
餐厅铺面细，座位小，唔逼，设有最低消费每人$250，食物种类少，部份要预订。店员热情，点餐前先介绍是日限定。
-
松露蘑菇可乐饼、蟹肉可乐饼 、墨汁鱿鱼可乐饼 每个$20
可乐饼太细份，形状不一，表面有酱，店员提醒最后先食墨汁鱿鱼可乐饼，外脆内呈奶油状。松露蘑菇可乐饼，有菌香，口感糊状。墨汁鱿鱼可乐饼，冇味，绰头大过味道。蟹肉可乐饼最为出色，蟹肉多，配奶油口感绵绵。
-
Broken egg $98
已经调味嘅幼脆薯条垫底，配腊肉粒、两只煎蛋，份量正常，煎蛋太熟，腊肉粒偏咸，唔香，唔夹，薯条脆，友人笑称似平时日本薯条零食，整体偏咸，性价比略低。
-
Hanger steak $168
封门柳系属前菜嘅话份量正常，属主菜嘅话份量太少，定价尴尬，调味生熟度刚好，唔韧，有牛味同肉汁，酱汁浓度刚好，冇抢味，垫底系鹰嘴豆蓉，份量太少，每旧牛肉沾咗少少豆蓉就话有，味道淡。
-
西班牙红虾饭 $368
份量略少，卖相几好，店员帮手处理红虾，饭入面有虾肉虾膏，虾味浓，酱汁多，好食
-
庇利牛斯山羊排 $308
慢煮，表面有香草，份量正常。友人话好食
-
焗鳕鱼配红椒酱 $148
份量略少，鳕鱼滑，鱼肉实身，红椒酱微酸，唔浓，两者夹，好食
-
西班牙油炸鬼 $78
西班牙油炸鬼份量正常，配朱古力酱同云呢拿雪糕。油炸鬼短身，捞左砂糖同肉桂粉，即炸，热辣辣，外脆内软，冇蛋香，味道主要来自砂糖同肉桂粉。雪糕有诚意，唔系低质大牌子，冷藏得唔好，入口香，有云呢拿籽，可惜有冰粒。朱古力酱唔会过甜，唔错。友人好钟意
-
整体而言，菜式大多唔够热，份量太少，个别菜式出色，性价比一般，人均$350，推介西班牙红虾饭 。一行四人，有一个食唔饱。唔收切饼费值得一赞。
-
此乃自费食评，并冇收取任何利益。
张贴