La Rotisserie (廈門街) (已結業)

又系假期先嚟落雨，即上Openrice揾食，揾到呢间想试好耐嘅烤鸡，同阿妈两个人外卖咗半只鸡、三文治、焗薯、汤同甜品，原来加加埋埋都好有份量，最后系每样都食净返啲，不过呢个价钱真系几抵食。🍴1/4 French Roast Chicken $58 (买一送一)比$58就有半只烤鸡真系好抵，话晒招牌对佢期望好高，外卖时有锡纸袋入住，回家路程约十分钟，但鸡已唔热，食落口感仲系干同鞋口，唔知系咪当日无乜客关系呢...总之唔会再回头啦！🍴French Roast Duck Sandwich set $125 + Roast Potatoes + Homemade Soup + Chocolate Cake呢个法式三文治超巨，长度长过只鸡，仲要啲料多到爆晒出嚟，个沙律酱＋BBQ酱非常惹味，至于鸭就太大件，一咬个包啲料就跌晒出嚟，如果切片会方便容易食好多；至于焗薯就唔ok，焗过龙变得又干又硬，全无口感味道可言；个汤仲差，成个糊仔咁，而且一啲咸味都无，隐若饮到淡淡蔬菜味，大家饮咗两啖就放弃咗！最后嚟个朱古力蛋糕，味道似brownie 但湿润版，朱古力味浓，全晚最似样嘅食物。