影片
更多
2017-11-06
332 浏览
早几个月前去过尖沙咀嘅Burgeroom食汉堡，拣咗个平平哋嘅「菠萝烟肉牛肉汉堡」，贪佢有大大片菠萝，老友就话我知，佐敦都有间专卖汉堡包嘅小店，同样有一款有大片菠萝嘅汉堡，叫我一定要试吓，择日不如撞日，趁老婆有局，就自己一支公嚟咗「Burger Lab」做吓「美味实验」。叫得小店，环境就一切从简，左右两排面壁位，各放置4张高脚櫈，装修平实，墙上都只喺挂啲图作做点缀。因为地方唔大，反而见唔少人买外卖拎走。唔好睇少枱上嘅小摆设，其实，都可以令整体感觉会唔同啲。枱下有啲挂勾，方便食客挂吓袋，尤其依一类小店，地方有限，真喺唔容许挜多张櫈用嚟摆袋、摆背囊。啲小店一向嘅重点都唔晌环境度，啲嘢好唔好食先喺致胜之道。所有菜式印晒晌一张A4纸度，包括汉堡包、附加项目、三文治、小食、饮品，喺咁多，略嫌啲字太细粒，有老花嘅朋友就真喺要落足眼力去睇。散点之外，亦设有转套餐嘅优惠，分为加$22或加$32，同样配蕃薯薯条或马玲薯条，分别在于前者拼一般饮料，而后者则拼Bless冷压果汁，支果汁单买要成$28架，所以，梗喺转$32嘅套餐啦！晌柜面点好菜之后，店员先送上胶手套、湿纸巾、纸巾，以便一阵汉堡送到嚟就即时起动
叫得小店，环境就一切从简，左右两排面壁位，各放置4张高脚櫈，装修平实，墙上都只喺挂啲图作做点缀。因为地方唔大，反而见唔少人买外卖拎走。
唔好睇少枱上嘅小摆设，其实，都可以令整体感觉会唔同啲。
枱下有啲挂勾，方便食客挂吓袋，尤其依一类小店，地方有限，真喺唔容许挜多张櫈用嚟摆袋、摆背囊。
啲小店一向嘅重点都唔晌环境度，啲嘢好唔好食先喺致胜之道。所有菜式印晒晌一张A4纸度，包括汉堡包、附加项目、三文治、小食、饮品，喺咁多，略嫌啲字太细粒，有老花嘅朋友就真喺要落足眼力去睇。
散点之外，亦设有转套餐嘅优惠，分为加$22或加$32，同样配蕃薯薯条或马玲薯条，分别在于前者拼一般饮料，而后者则拼Bless冷压果汁，支果汁单买要成$28架，所以，梗喺转$32嘅套餐啦！
晌柜面点好菜之后，店员先送上胶手套、湿纸巾、纸巾，以便一阵汉堡送到嚟就即时起动，食汉堡几时都喺揾手揸住嚟食先过瘾啲。
菠萝茉莉花茶（套餐）唔好怪小弟又喺拣「菠萝」，菠萝真喺芳香独特，其实，啲冷压果汁共5款口味，不过，我都喺钟意依款菠萝茉莉花茶多啲。无人造色素，无添加，冷压减少营养流失，仲喺即日香港制造，菠萝汁夹茉莉花茶，味道唔错㖞，清甜幽香。
细阅餐牌，汉堡包有成9款选择，定价$48-$88，此外，有多款食材供附加选项，由$10-$35不等，无加一，小弟个包就拣咗加牛油果。
而众多包款中，最后一款叫「小店试管汉堡」，大概可当为每月精选，呢期做紧嘅喺「韩式辣鸡肉汉堡」，哈韩嘅朋友就啱晒啦！
烤猪颈肉汉堡 $58（加牛油果 $20）点解特别钟意食有菠萝嘅汉堡，清甜之余，更可中和啲油腻，而成份除有烤猪颈肉、烤菠萝、生菜、洋葱，最正喺淋上至惹味嘅沙嗲沙律酱，够独特。成品送到嚟，件头大唔讲得笑，打横一睇，馅料堆到满。因已改为套餐，配上蕃薯薯条，热辣辣炸得唔油腻，甘脆而好有蕃薯香，只喺略嫌伴茄酱普通啲。
包身外形饱满涨卜卜，揿落去有回弹力，都唔喺平价货色，面层脆，入口松软。而菠萝夹猪颈肉，食落完全无油腻感，加上猪颈肉本身爽爽哋，又添了生菜，脆口感突出；再者，个沙嗲沙律酱确喺惹味，令到个包有种东南亚风。加入牛油果就纯粹个人偏好，令自己食起嚟觉得更健康，而牛油果嘅份量亦无手紧，份量十足。
多谢老友推荐，果然喺间有质素嘅小店，怪不得有唔少人帮衬，外卖嘅更多。百几蚊食餐汉堡包，有人觉得奢侈，但偶一为之享受吓高质素嘢，唔单喺一种味道嘅体验，亦令人感觉开心啲，好好舒缓心情一下呢！
张贴
