Lady M

营业中

休息中

相信多人都知道Lady M呢个蛋糕嘅牌子，今次呢间分店开咗喺返工地点嘅附近，趁住lunch嘅时间特登去买两件蛋糕试吓！分别嗌咗焙茶千层蛋糕同伯爵茶千层蛋糕，焙茶千层蛋糕方面，焙茶嘅班戟皮黑糖mix培茶嘅忌廉，所以一食落口已经充满着焙茶嘅香味，但因为Lady M嘅蛋糕都系相对地偏甜，令到就算焙茶味都好，食落去都唔会觉得好苦好涩！而且面头仲有黑糖焙茶啫喱波，啫喱波嘅甜度比蛋糕再甜多少少！伯爵茶千层蛋糕方面，每食一啖都散发住伯爵茶嘅茶香味，而且甜度适中，本身伯爵茶嘅苦味同甜味嘅平衡拿捏得好好，令到人食咗之后觉得个蛋糕唔会好苦，每一层嘅蛋糕之间都搽满咗伯爵茶忌廉，令到每食一啖都好有层次感同满足嘅口感！