Lady M

营业中

休息中

今日無意中，去到側魚涌地鐵站附近，見到Lady M ,因為以前尖沙咀比較多人所以冇試過，今次又試吓！1,朱古力棋盤蛋糕$68口感柔軟，入口有少少咸咸地嘅牛油味，不會太濃太苦的朱古力味，又不會太甜。2,大甲香芋麻糬忌廉蛋糕$78口感柔軟，好香芋頭味，不太甜，中間麻糬口感少少煙韌，外觀又優雅，真係一種享受！

之前路過ladym偶然間睇到開心果奶蓋朱古力燕麥奶喺度做買一送一嘅優惠，所以就諗住買來試吓，最終我同個friend都試咗兩次，但係兩次嘅質感好唔同，開心果奶蓋如果熱啲嘅更加好味，朱古力味都幾重加燕麥奶，令到佢唔係咁甜，所以整體都OK但係如果唔係買一送一我就唔會買。

相信多人都知道Lady M呢個蛋糕嘅牌子，今次呢間分店開咗喺返工地點嘅附近，趁住lunch嘅時間特登去買兩件蛋糕試吓！分別嗌咗焙茶千層蛋糕同伯爵茶千層蛋糕，焙茶千層蛋糕方面，焙茶嘅班戟皮黑糖mix培茶嘅忌廉，所以一食落口已經充滿着焙茶嘅香味，但因為Lady M嘅蛋糕都係相對地偏甜，令到就算焙茶味都好，食落去都唔會覺得好苦好澀！而且面頭仲有黑糖焙茶啫喱波，啫喱波嘅甜度比蛋糕再甜多少少！伯爵茶千層蛋糕方面，每食一啖都散發住伯爵茶嘅茶香味，而且甜度適中，本身伯爵茶嘅苦味同甜味嘅平衡拿捏得好好，令到人食咗之後覺得個蛋糕唔會好苦，每一層嘅蛋糕之間都搽滿咗伯爵茶忌廉，令到每食一啖都好有層次感同滿足嘅口感！

千層蛋糕，呢間真係數一數二。買咗幾款千層蛋糕返屋企，同屋企人一齊食，開心share呀嘛！入邊幾款，我最鍾意就係玫瑰千層蛋糕，有淡淡的玫瑰花香，千層蛋糕甜而不膩，非常好食！

太太生日，所以買了她最喜歡的千層伯爵茶蛋糕。它帶給我們一家一個非常愉悅的食物體驗。首先，讓我談談這款千層伯爵茶蛋糕的外觀。它呈現出完美的層次感，每一層都堆疊得整齊有致。整體外觀精緻，令人一眼就會被它的美麗所吸引。接下來是味道。伯爵茶蛋糕的口感柔軟綿密，每一口都散發著香醇的伯爵茶香氣。它的甜度適中，不會過於沉重，而且伯爵茶的苦味與甜味完美平衡，帶給人一種深度和豐富的味覺享受。每一層的蛋糕與伯爵茶奶油層緊密結合，創造出豐富的層次感，令人驚喜不斷。此外，伯爵茶蛋糕的送餐服務也是一個亮點。它的包裝帶有冰塊，確保在運送的過程中蛋糕保持完美的狀態。無論是外觀還是口感，都能夠完美呈現，為消費者提供了高品質的外賣體驗。

今次生日🎂🎂🎂😙🥴㨂左lady M 的皇牌件裝組合❣️千層蛋糕系列❤️❤️ 佢裡面包含左4款經典口味😊😊，包括有綠茶、伯爵茶、紫薯同埋原味，每件都獨立包裝，易拎又易食🤤 🫶🏻跟隨蛋糕🍰仲送埋銀色膠叉🍴同蠟燭，超級貼心❣️❤️❤️蛋糕我個人都係最鍾意經典原味😚，蛋皮帶有濃郁的蛋香，與忌廉比例剛剛好，唔會太膩，每一啖都充滿奶油的香味😍，滑溜可口，甜而不膩，不愧為皇道推介👍👍👍👍👍

今日突然想食千層蛋糕， 所以諗起Lady M， 上網見到鰂魚涌開咗分店。 方便左， 唔洗一定出銅鑼灣。 本來諗住 tiramisu 但冇哂🙈 ， 所以簡左栗子🌰同 抹茶味， 2款比較下抹茶比較普通，栗子味比較出色， 唔會太甜， 因為市面比較少栗子味千層蛋糕。

好耐都過嚟東區，好耐無食過Lady M蛋糕！呢間蛋糕店定價真係非常之進取！不過食物質素方面，當然都會交足功課嘅！今次小編係買返屋企同屋企人分享既！今次買咗兩款蛋糕！包括朱古力棋盤蛋糕同埋栗子蛋糕！首先朱古力蛋糕，有好濃厚嘅朱古力味！而且又唔會話好甜，至於賣相直頭可以俾100分！蛋糕則真係整到個好似棋盤嘅圖案！而且都軟屬既！至於另外一件栗子蛋糕，栗子味都重既！而且都頗為軟，但係賣相就不及朱古力棋盤蛋糕！雖然係咁，甜道都係正常㗎！味道都唔差嘅！

昨晚search “焙茶粉” 嘅時候, 發現早係6月份, Lady M 出左焙茶千層蛋糕!!!!作為消息落後又鍾意焙茶嘅我, 今日決定即刻去買件食!!!!焙茶千層蛋糕 (件裝) - $78，原個蛋糕(6吋) - $510, (9吋) - $780LadyM一向都以超過20層的透薄班戟配上香濃軟滑嘅忌廉, 加塊與塊班戟同忌廉分佈平均聞名, 今次焙茶味道係來自日本宇治300年製茶老舖丸久小山園, 而蛋糕面層以黑糖焙茶啫喱球點綴!焙茶嘅班戟皮配上加入焙茶&黑糖嘅cream, 一食入口就滿滿焙茶茶香, 但Lady M 一向都好夠甜, 所以茶嘅甘味, 只有茶香, 怕茶澀味又想享受茶香人士就一定要試下啦, 但低糖人士就要考慮下🤭唔洗多講, cream 就一向高水準, 幼滑!香濃!細緻!面層有黑糖焙茶啫喱球, 黑糖香甜味比起cream 更加明顯, 好似濃縮版, 但亦都偏甜少少!總括來說, 幸福快樂指數100/100!!!!多謝Lady M又比動力我再繼續努力工作!!!!

講左好多次自己係一個不折不扣既拿破崙粉絲，每次經過cake shop，只要比我見到有拿破崙既存在，我都一定會買，細至無論係舊式餅店，定係even大至係酒店級餅房，而對拿破崙呢樣野瘋狂到身邊既同事都知，竟然係我生日正日當日，一早訂定左個birthday cake size 原個拿破崙比我同我興祝，一見到Lady M 個盒時諗都冇諗過竟然會係Lady M到唔係買佢地最拿手最出名既千層蛋糕，到佢地打開盒時我見到係長條型先知係我最鐘意食既拿破崙，真係好開心同事咁有心。呢個Lady M拿破崙其實真係好抵食，佢係一個勁大個勁厚成個枕頭咁既長磚型，而本身餅店亦已好貼心咁幫你切開左6件(其實足夠12個人分)，方便分黎食，拿破崙既酥皮做得非常好，好脆同好重牛油香，中間係夾住左幾層海綿蛋糕同埋cream，個cream好滑溜，奶香濃郁，就同佢平時最出名既千層蛋糕中間夾既cream一樣味道一樣口感，食完呢個拿破崙，大約以後都會變成我既first choice 黎Lady M會揀既cake。

鍾意食甜品嘅我，Lady M 就當然係其中一個我最鍾意嘅蛋糕品牌之一，最欣賞佢哋嘅千層蛋糕，每一款新口味都可以做到創新唯一，之所以係咁 Lady M 一推出新口味，我就會二話不說去買黎品嚐一下啦！焦糖爆谷千層蛋糕 $75一開始呢一款千層蛋糕係鰂魚涌分店限定嘅，鰂魚涌分店係一間只有蛋糕外帶服務嘅分店，所以我就買咗返屋企同家人一齊分享😋 驚艷我嘅係焦糖爆谷口味完全唔會甜膩，千層蛋糕嘅忌廉透出淡淡爆谷嘅焦香味道，同時間面層嘅焦糖朱古力醬如絲般幼滑味道甜美怡人☺️柑桔洋甘菊撻 $68香港獨家口味，總共有五層：面層洋甘菊慕絲、新鮮糖漬柑桔果蓉醬、柑桔佛手柑慕絲、柚子忌廉、雲尼拿海綿蛋糕，再配上鬆化曲奇撻底，整件餅撻甜而不膩，仲有一陣陣淡淡嘅洋甘菊與糖漬柑桔嘅清香，五層嘅口感及味道層次非常之豐富，令人回味！🤤

最近終於有時間去chill一下，咁岩Lady M第8間分店就開係工作附近，地址位於太古坊德宏大厦。 今次我地試咗4種口味🍰，分别是原味千層蛋糕$ 68，伯爵茶千層蛋糕$ 75，抹茶千層蛋糕$ 75同期間限定的焦糖爆谷千層蛋糕$ 75。 自己比較推薦的是原味及焦糖爆谷，比較有驚喜😝可能自己對茶味既蛋糕麻麻地😣覺得有点太苦🙈但4款既千層既cream都十分均勻，層次分明👍🏻～🌟原味千層蛋糕🍰：🌝🌝🌝🌝🌟抹茶千層蛋糕🍰：🌝🌝🌝🌟伯爵茶千層蛋糕🍰：🌝🌝🌝🌟焦糖爆谷千層蛋糕🍰：🌝🌝🌝🌝～Lady M最近新推出了✨夏日限定口味爆谷千層蛋糕✨今次主打加入了新鮮爆谷製成的爆谷忌廉保留了柔滑可口質感，同時渗透着爆谷的焦香味道，均匀地塗在超過20層的透薄班戟之间，每一口也滿是香甜味。 蛋糕面層另塗上焦糖朱古力醬，飾以色澤金黄的焦糖脆爆谷，增添多層次口感，並散發甜蜜誘人的焦糖香氣😋~溫馨提示🔔-太古坊分店會於星期一至五供應早晨輕怡包點，包括新鮮製作的蛋沙律牛油麵包漢堡，牛角包及朱古力牛角包。-太古坊分店只限外賣✅不設堂食❎

鰂魚涌太古坊公司附近新開左間Lady M 餅店，今日返工經過，發現原來佢有早餐外賣🤩，仲要係太古坊店限定，平時小編食佢千層蛋糕就食得多，早餐真係第一次見未試過，小編立即心動😍想買返個黎試吓。早餐選擇唔多，得三款。有🥐牛角包$28、🥐朱古力牛角包$38、🥖蛋沙律牛油麵包漢堡$58。小編買咗個🥐朱古力牛角包，店員還可以幫忙加熱。🥐牛角包大大個，酥皮勁鬆脆，朱古力醬份量都唔少，熱食真係幾好味😋。