一泡而紅 (已結業)

乘去银行之便,食个平价下午茶当late lunch,的确悭番唔少!!下午茶时间当然无午饭时间墟陷,可以揾个自闭位坐坐。白菜猪肉饺子五只,新鲜煮起都几好样,饺子包到成只虾饺一样,size唔算太大,分两啖刚刚好。饺子皮尚算薄身,肉馅颜色同味道都淡淡,瘦肉份量比较多加上椰菜碎,肉馅尚算ok;配上酸酸黑醋黎食就无咁漏。冻奶茶茶味几ok,都算饮得过!但太多冰喇,基本上可饮既茶只有好少,呢样似乎有待改善。每逢二点零钟午市过后,就见几位阿姐排排坐包饺子,望住佢地好快包一只,真系几好睇。