金田家 (已結業)

辛苦咗一个上晏，帮老细出席咗佢母校的家长日，角色系扮演观众，散场时都十二点几，再执埋啲手尾，搞到下午两点才放人。太太就疏乎啦，去咗荃湾嘅荃新天地边shopping边等埋我食饭。讲到食饭，我想食鳗鱼饭，太太话刚才逛商场留意到呢度有间金田家，本来系主打食拉面，原来都有鳗鱼饭食。入到来坐得舒舒服服。鳗鱼饭鳗鱼饭烧得香，而且肥美，如果鳗鱼汁再多一些就更好。唐扬鸡咖喱丼太太食咖喱炸鸡饭，话炸鸡好香口，肉质嫩，而且好够味。日式咖喱汁唔辣，但好香。照惯例，碟饭佢一定食唔晒，要我帮佢处理埋，果然啲咖喱好香，唔辣，啱晒我呢个怕食辣的人。太太虽然系细食，但都好贪食，要过下小食口瘾，所以，叫咗大将饺子、溏心蛋、木耳、腩肉叉烧。饺子煎得个底好脆，木耳好爽口，溏心蛋个流心蛋黄好滑，腩南叉烧有咬口。饮品叫咗果汁和可尔必思，都非常解渴。好! 食饱了，轮到我去Shopping。