影片
更多
2010-07-07
34 浏览
其实同朋友喺佢开张头几日已经试过，当时已经好想同大家分享吓我嘅「奇遇」，不过我本身又唔系太识开新版做第一个评论者；于是无写食评。但系见到有咁多好评，我真系有d爪破头皮，同时我真系忍唔住就呢间野写个食评。首先我觉得日本人做日本菜唔系100%保证好食，你去日本旅行都会食著d超难食嘅日本野，仲要系喺日本由日本人主理。不过你谂深一层，香港都随处可以食到d好难食嘅茶餐厅同云吞面舖。以上讲咁多其实系想话比大家知，唔好一见到系日本人开嘅食店，未食就又话正宗、又话好掂啦！のれん- No Ren，其中一个解法是店舖门口挂著的布帘。很奇怪喺门口揾唔到布帘。此店并没有汉字名，好似一心只做日本人咁！一入去，一位老先生(应该是该店日藉老板)和两位菲藉侍应恭迎我同我朋友。基本上，店子无甚装修，大概有十几个位。在门口无睇过餐牌，坐低一看，午市定食只有「三」款(豚肉生姜烧,咖喱定食、...唔记得第三个系乜)！OK! 好似玩实力派，做得你咁专注系好事，当时的确好有期待！我朋友个咖喱定食嚟先，用锑碟上好有日本庶民食堂feel!同我哋估计一样，咖喱牛肉碎饭，d咖喱杰了少许，唔难食，不过我估我喺超市买pack咖喱砖番屋企做会
首先我觉得日本人做日本菜唔系100%保证好食，你去日本旅行都会食著d超难食嘅日本野，仲要系喺日本由日本人主理。不过你谂深一层，香港都随处可以食到d好难食嘅茶餐厅同云吞面舖。
以上讲咁多其实系想话比大家知，唔好一见到系日本人开嘅食店，未食就又话正宗、又话好掂啦！
のれん- No Ren，其中一个解法是店舖门口挂著的布帘。很奇怪喺门口揾唔到布帘。此店并没有汉字名，好似一心只做日本人咁！一入去，一位老先生(应该是该店日藉老板)和两位菲藉侍应恭迎我同我朋友。基本上，店子无甚装修，大概有十几个位。在门口无睇过餐牌，坐低一看，午市定食只有「三」款(豚肉生姜烧,咖喱定食、...唔记得第三个系乜)！OK! 好似玩实力派，做得你咁专注系好事，当时的确好有期待！
我朋友个咖喱定食嚟先，用锑碟上好有日本庶民食堂feel!同我哋估计一样，咖喱牛肉碎饭，d咖喱杰了少许，唔难食，不过我估我喺超市买pack咖喱砖番屋企做会好食d。
我个豚肉生姜烧嚟啦！依！未见过咁样嘅豚肉生姜烧，日文汉字的烧可以解作「炒」的意思，豚肉生姜烧在日本同香港都食过。多数都系豚肉洋葱用生姜汁炒成。今次呢个系有几片烧的豚肉片，下面有椰菜丝垫底，最后有一执仔生姜蓉喺面，算我孤陋寡闻，真系闻所未闻；见所未见！Anyway, 咁都唔重要，最紧要系好食。
我讲得呢句就知有下闻啦，夹起一片豚肉同少少椰菜，食落真系有d唔识形容嘅味，分番开豚肉同椰菜食，终于揾到问题所在 - 椰菜！真系有阵好怪嘅味，一定要形容就似系塑胶味。咁我哋咪同侍应反映下顺便问吓点解做法有别于平时食开𠮶d。咁佢就解释，呢种味同做法至系正宗。哦！收到！你打份工都系唔好太难为佢。
结帐时我觉得作为一个希望食肆有改善嘅食客，比番d意见系合理嘅。第一，就系𠮶只唔识点形容嘅味，如果系正宗口味嘅话，我宁愿食d唔正宗嘅Version。第二，就系定食嘅渍物绝对唔可以用寿司姜代替。第三，就系餐牌选择太单薄。最后，就系餐牌交代不清，a-la-carte同定食写埋一堆，容易误导人客。
我本身以前都系做厨房嘅，我直觉认为阿日本老伯应该唔系做开饮食，可能退咗休想搞d小生意挂，厨房另有一位日本先生负责，不过偷望厨房格局(用电磁炉做炒物系毫无镬气可言嘅)同埋出嚟嘅食物水准，我睇佢都应该唔系做开出品部嘅人。
我都唔想插得佢咁劲，而家饮食咁难做。不过我真系觉得应该一视同仁，唔好见有日本人坐隔离枱(我见佢都越嚟越少同乡帮衬，咁日本人民族性强都唔会麻木成咁)，又者见到系日本人开嘅话，就起势又话好掂,又话好正宗，要信吓自己嘅味觉...
机会就一定要比吓人，无论佢系香港人开定日本人开。我会过多一两日再去试过。
不过好坦白，我觉得好多土炮日本野好食过佢好多！
张贴
