LAVA Bar & Restaurant (已結業)

又再次黎到lava，今次比起上次，人少左，但味道依旧🤤。鲍鱼，龙虾，小麦卷状意粉 $238龙虾味浓，一食落口已经岀哂黎，意粉都好入味，唔会有奇怪麦味，超上瘾。卷状意粉好完美咁可以令你食既每一啖都伴随著龙虾汁，不得了！原条盐焗鲈鱼 $158本身成条上依件事已经有啲震撼，再加上盐焗鲈鱼好好食。基本上都无乜得挑剔，餐厅仲配上柠檬，加埋一齐食，酸酸地，又有鱼肉既鲜味(˶‾᷄ ⁻̫ ‾᷅˵)，好完美。配蔬菜（小） $30本身都系谂住食下菜，健康啲，所以就加配左蔬菜。点知好好食，啲蔬菜好新鲜，又有几款蔬菜，你完全唔觉得自己食紧菜，所有野都调味得好好。蜂密海绵蛋糕配云呢拿雪糕 $72其实本人系想食churros，但可惜朋友嫌热气😭。但估唔到海绵蛋糕都几好食，虽然系话蜂蜜海绵蛋糕，但系整体唔会太甜。如果雪糕有得拣味就真系太好啦。