李好味 (已結業)

香港太多食肆，如果啲名唔突出啲都唔记得。所以市面上既餐厅名越嚟越搞笑，好似依间叫李好味，英文名叫Lee Lo Mei！特别、特别😂🤣😂🤣好难唔记得啰！▫️餐厅装修以旧香港大排当为主题 🐉- 有旧式吊扇，街市照鸡蛋嘅红罩橙，木折台等⋯好似回到从前一样。▫️食物款式亦各具特色。🐥金鸡藏鲍 －外脆内软嘅鸡翼𫗵糯米饭，一碟四只，而且𥚃面有两只有鲍鱼，睇你好唔好彩可以食晒两只鲍鱼。价钱HKD138。▫️🍘X.O丝酥萝卜糕－萝卜慢煮20个钟头，配上XO酱炒醉肉、腊肠做馅。萝卜丝松化酥软，而且仍保留住萝卜甜味。价钱HKD78。▫️🥘八仙过海，点红点绿－第一次食煲仔海鲜饭，啲海鲜劲大只，例如有带子、章鱼、虾、蛤、鱼肉；配上香草酱，突出海鲜鲜味！最重要系佢哋用啲海鲜汁煲饭，令到啲饭好香浓，而且劲多饭焦，首选推介！价钱HKD278。▫️🍡破桨重圆 －成餐饭最期待嘅食物。睇个样应该唔知系乜？！其实系姜汁汤圆糖水，师傅用分子料理嘅方法，将姜汁糖水变成好似鱼子形状物头，糖水温度维持40度，唔惊食客整亲。第一啖食落去其实几惊，因为怕糖水好热。＂卜＂一声，就系食鱼子变大版既感觉，一咬糖水流出，连同迷你汤丸系嘴里滚动，好特别呢