LeeLaksa

营业中

休息中

餐厅：LeeLaksa地点：上环皇后大道中菜式：新加坡马拉菜式餐牌：假日都有午餐，12选一，有多款饭粉面，配冷热饮品8选一。都有小食。另收加一。李派海南鸡饭 $88 另加一海南鸡有十几件，有鸡脾，胸同鸡翼，肉质好嫩滑，鸡皮有弹性，点甜豉油最好食，另外仲有辣酱同姜蓉。配好几片爽口青瓜。油饭好香，暖暖地上枱，都大大碗。跟有一碗冬瓜汤，饮落咸咸哋，都好清，仲有一旧冬瓜食。参峇酱烧猪颈肉 $85 另加一参峇酱烧猪颈肉一客10片左右，热辣辣上枱，半肥瘦所以食落爽口兼啖啖肉。个参峇酱少少辣，好惹味。伴有青瓜粒，洋葱丝同半粒车厘茄可解腻。香茅青柠荔枝梳打（跟餐）跟餐饮品都有几款拣。香茅青柠荔枝梳打真系有大大枝香茅，味道完全唔甜，似梳打水，解渴得黎又唔会太肥，荔枝味道主要系底部，建议搞起先饮。总括而言，食物质素保持一贯水准。