LeeLaksa

营业中

休息中

今日一支公去上环食lunch，食久违既新加坡菜，地点系好耐之前都帮衬过既LeeLaksa。原来两点已经有茶餐，价钱非常经济，唔怪之得仲系满座。茶餐有多款饭粉面，仲有多士同薄饼，配冷热饮品，另外仲有沙律同小食。另收加一。海南鸡饭 $68 另加一先叫一个主食，清清哋就叫海南鸡饭，好快就有得食啦。海南鸡有十几件，有鸡脾，鸡胸同鸡翼，肉质好嫩滑，鸡皮有弹性，鸡皮下底有一层脂肪啫喱，点甜豉油最好食，另外仲有辣酱同姜蓉。配4片爽口青瓜。油饭好香，暖暖地上枱，都大大碗。跟有一碗冬瓜汤，饮落咸咸哋，都好清，仲有一旧冬瓜食。香茅青柠荔枝梳打（跟餐）跟餐饮品都有几款拣。香茅青柠荔枝梳打真系有大大枝香茅，味道完全唔甜，似梳打水，解渴得黎又唔会太肥。另外叫左一款小食。串烧拼盘 $68 另加一今日冇鱿鱼须，所以鸡肉同大虾各3串，摆盘唔错。串烧热辣辣烧起，虾已去壳，肉质好爽脆，连虾壳都劲脆，我食埋。鸡肉串咖哩味浓，系香辣黄咖哩味。辣酱另上，点埋味道更惹味。伴有青瓜粒，紫洋葱同车厘茄可以减减腻。总括而言，茶餐价钱真系抵食。