南小館Plus (已結業)

约咗朋友去 铜锣湾希慎行街，行行吓肚饿就谂住揾嘢食，我哋呢见到南小馆冇乜人排队，就即刻攞位。我哋叫咗个冷盘拼盘，鸡丝粉皮，鲜肉小笼包，腌笃鲜烧卖，同埋生煎包。冷盘拼盘可以叫四样嘢去拼嘅，我哋就叫咗烤麸，肴肉，糖醋排骨同埋醉鸡。烤麸好食，因为仲系有弹力，至于糖醋排骨味道都啱啱好，但系肴肉，就稍为喊咗啲，醉鸡亦都冇乜味。鸡丝粉皮就正常味道 ,小笼包都好多汤，个馅亦都有咬口，啲肉 冇搞到烂晒。烧卖就有啲失望啦，因为都冇乜馅料，好彩D 糯米都够软熟。生煎包都好好食，都有好多汤汁。总括嚟讲，南小馆 啲嘢有好食，亦有啲嘢系普普通通，不过喺铜锣湾区，咁嘅价钱，咁嘅环境都算系咁架啦，希望佢D食物可以继续进步啦。