影片
更多
2018-03-07
3407 浏览
有一只化妆品牌嘅口号喺「Less is More」，表示无添加就喺好，化妆嘅嘢小弟识条铁咩。今日陪老婆出开尖沙咀，午饭时段，就过咗嚟青年会地下层嘅「Mall Cafe」食晏，个标题喺想讲菜式嘅份量真喺偏少！铺面采开放式，地方阔落，枱櫈嘅编排亦都予人感到舒适，配知柔和嘅灯光，确喺几写意。星期六嘅午饭时间，都见得人头涌涌，睇嚟好多一家大细，皆因青年会提供唔少活动，尤其俾小朋友嘅，相信喺啲细路落咗堂，啲父母就晌度食埋晏。题外话，讲开青年会，其实，香港喺有分「港青」（YMCA of Hong Kong）同「中青」（Chinese YMCA of Hong Kong），两个喺独立个体，标志亦有少少差别，两者都喺红色倒三角配YMCA白字，分别在于「港青」YMCA字样衬「黑色」横条，而「中青」则衬「蓝色」横条，根本一般人都分唔清，想做佢哋嘅会员都要分开做，并唔共通。点解小弟会知，因为好多年前晌度打过工啰！散点餐牌一个就包晒全日嘅嘢，早餐、汤、沙律、主菜、东南亚精选、三文治、汉堡包、素食、甜品、儿童餐及饮品，一一罗列晒出嚟。有素食类，就啱晒我老婆。意式煎豆腐配蕃茄白菌汁及野米饭 $98何谓「意式」？其
铺面采开放式，地方阔落，枱櫈嘅编排亦都予人感到舒适，配知柔和嘅灯光，确喺几写意。
星期六嘅午饭时间，都见得人头涌涌，睇嚟好多一家大细，皆因青年会提供唔少活动，尤其俾小朋友嘅，相信喺啲细路落咗堂，啲父母就晌度食埋晏。
题外话，讲开青年会，其实，香港喺有分「港青」（YMCA of Hong Kong）同「中青」（Chinese YMCA of Hong Kong），两个喺独立个体，标志亦有少少差别，两者都喺红色倒三角配YMCA白字，分别在于「港青」YMCA字样衬「黑色」横条，而「中青」则衬「蓝色」横条，根本一般人都分唔清，想做佢哋嘅会员都要分开做，并唔共通。点解小弟会知，因为好多年前晌度打过工啰！
散点餐牌一个就包晒全日嘅嘢，早餐、汤、沙律、主菜、东南亚精选、三文治、汉堡包、素食、甜品、儿童餐及饮品，一一罗列晒出嚟。有素食类，就啱晒我老婆。
意式煎豆腐配蕃茄白菌汁及野米饭 $98何谓「意式」？其实就喺晌煎豆腐方面，底面加入一层薄芝士，睇都唔喺好觉，食嘅时候先会发现。啲豆腐好嫩滑，加咗芝士变得有趣啲，而蕃茄白菌汁做得颇浓郁，好醒胃，野米饭比例刚好，唔会太顶胃，所以，老婆就好满意道菜式。
此外，仲有一个午餐餐牌，包餐汤、自选主菜及餐饮，价钱视乎所拣嘅主菜，定价由$90-$108。另外，亦可以加$43享用沙律吧，但喺沙律吧睇嚟好普通，所以，悭番啲无试。
姜汁甘笋汤（午餐）餐汤有中汤或西汤供选择，中汤喺老黄瓜煲瘦肉，好例汤嘅款式，所以，拣饮西汤。姜汁甘笋汤嘅甘笋味足，姜味就差咗少少，质感够挺够绵滑，但饮落有别一般尼廉汤，似喺无加忌廉所做成嘅汤。一般西餐，餐汤都会配点面包，但呢度就无提供嘅。
香草柠檬焗鸡扒配德国炒薯（午餐）$98卖相做得精简，以一只画有黄圈嘅碟盛上，予人感觉清爽。鸡扒以香草及柠檬煎焗，味道的确唔错，淋上烧汁，味道更香，不过，鸡扒只得一件，份量真喺算细；再者，德国炒薯即喺香草炒薯，好食，可惜数埋只有四粒，西兰花未煮透，口感较生，车厘茄更喺无煮过就咁放上碟，因为入口仲喺冻嘅。男生选呢道鸡扒，应该唔够饱。
热咖啡（午餐）即磨咖啡，啲咖啡味几香醇，拌点鲜奶，口感更顺滑，如果，连啲鲜奶都有打热就更好喇。
其实，最初Mall Cafe嘅营运喺自助式嘅，不过，晌酒店内变得低档唔多讨好，但依家改为餐厅梗式，亦唔见得好。其一，服务好一般，但限于个别员工，落单位哥仔，礼貌麻麻，亦都好迤，埋单位哥仔及执拾嘅阿姐就较好礼貌；其二，份量真喺少，喺讲紧正常人嘅份量都唔到嘅情况。
张贴
