影片
更多
2018-12-29
2517 浏览
今日同个friend去鲤鱼门度walk 一walk，偷得浮生半日闲。行到咁上下，自然想叹番个下午茶，于是我哋就入咗呢间有成五十年历史嘅银龙咖啡茶座。传统茶餐厅格局，卡位细细，但唔算坐得逼夹，劲有七、八十年代嘅feel，够晒地道，相当干净企理。嚟到呢度，梗系要试出晒名嘅蛋白腐乳西多($30)，同埋叹返杯老板娘至出名嘅撚手奶茶($15)。因为得老板娘一个one man band，所以落单、煑嘢、执枱、洗碗、收银全部要一脚踢。虽然有个义工姐姐帮手，但系都做唔停手，可能因为人手问题，所以呢度提供食物种类好有限，除咗三文治、多士、公仔面外，其他你都唔使谂😅。今日胜在系闲日客人唔多，所以我哋等咗唔系好耐，啲食物已经上枱。蛋白腐乳西多先上，多士边煎得金黄脆口，内里软熟好入口，腐乳味道唔会太抢，就咁食带一点咸香，别有风味。加咗炼奶之后，咸咸甜甜，味道更加丰富。呢度嘅奶茶都相当不俗，香气扑鼻，口感幼滑。原来老板娘曾经赢过好些冲奶茶奖项，难怪有番咁上下水凖，绝对值得一试。同行友人试饮室温罗汉果茶（$15）,清甜润喉，果然系健康之选。听闻呢度嘅芒果布丁同芒果多多都好出名，可惜一早已经卖晒，希望下次嚟有机会试
行到咁上下，自然想叹番个下午茶，于是我哋就入咗呢间有成五十年历史嘅银龙咖啡茶座。
传统茶餐厅格局，卡位细细，但唔算坐得逼夹，劲有七、八十年代嘅feel，够晒地道，相当干净企理。
嚟到呢度，梗系要试出晒名嘅蛋白腐乳西多($30)，同埋叹返杯老板娘至出名嘅撚手奶茶($15)。
因为得老板娘一个one man band，所以落单、煑嘢、执枱、洗碗、收银全部要一脚踢。虽然有个义工姐姐帮手，但系都做唔停手，可能因为人手问题，所以呢度提供食物种类好有限，除咗三文治、多士、公仔面外，其他你都唔使谂😅。今日胜在系闲日客人唔多，所以我哋等咗唔系好耐，啲食物已经上枱。
蛋白腐乳西多先上，多士边煎得金黄脆口，内里软熟好入口，腐乳味道唔会太抢，就咁食带一点咸香，别有风味。加咗炼奶之后，咸咸甜甜，味道更加丰富。
207 浏览
8 赞好
0 留言
57 浏览
2 赞好
0 留言
87 浏览
2 赞好
0 留言
131 浏览
2 赞好
0 留言
呢度嘅奶茶都相当不俗，香气扑鼻，口感幼滑。原来老板娘曾经赢过好些冲奶茶奖项，难怪有番咁上下水凖，绝对值得一试。
58 浏览
2 赞好
0 留言
同行友人试饮室温罗汉果茶（$15）,清甜润喉，果然系健康之选。
39 浏览
2 赞好
0 留言
听闻呢度嘅芒果布丁同芒果多多都好出名，可惜一早已经卖晒，希望下次嚟有机会试试。
Less is more！食嘢系讲质量，唔系计数量。
张贴
