臺北棧 (荷李活道) (已結業)

本身其实系因为鲜奶麻薯慕名而来,点知原来晚市先至有得食,不过好彩呢度嘅食物质素都冇令我失望。火焰原条日式鳗鱼起司玉米蛋饼用咗原条鳗鱼够晒有霸气,覆盖住成个蛋饼,仲有大量芝士,蛋饼里面仲有满满嘅粟米,上枱后店员仲会用火枪烧一烧条鳗鱼,添加一阵火焰香气,食落惹味。台「丰」牛肉面有两款面质可以选择,分别系拉面同刀削面,我选择左刀削面,口感较为烟靭。配料亦好丰富有4大件软淋嘅牛肉,老油条同溏心蛋。我觉得最特别嘅就系炸虫草花。溏心蛋卤肉饭虽然细细碗但系好足料,卤肉比例啱啱好食落肥而不腻,溏心蛋流心效果极佳。伯爵茶冻QQ芋圆有台湾空运到港嘅芋圆,爱玉,珍珠,伯爵茶冻,香甜绿豆。