河內越式料理 (西洋菜南街)

营业中

休息中

哩间越南野店仔细细唔太起眼, 但系D野又几好食, 晚市时段都几full下。生熟牛肉汤河食哩D最紧要啖汤, 清甜够热有肉香, 饮落好味又顺喉。生牛肉好嫩, 河粉滑溜，食到一半加埋青柠汁同辣椒粒入去, 又系另一种美味。招牌越式猪扒饭猪扒腌得入味, 干身得黎唔会柴皮, 咬落有弹性有肉香, 拌饭一流。另外小食都唔错, 软壳蟹米纸卷包得札实唔会一夹就散, 加埋脆脆地既软壳蟹, 一啖入口有多重口感!越式春卷炸得香口脆卜卜, 加多碟菜都系$20有大大碟, 抵食。另外野饮都几多款式拣, 柠檬蜜糖姜茶同埋鲜芒果西米露都好好饮又够味。