影片
更多
2019-03-17
561 浏览
WOW~ 今日宝宝带我去食Buffet！今年食第二次酒店餐厅Buffet，上次系荃湾食个间麻麻地。但今次哩间就好好多，都几高值。协奏坊西餐厅就系珀丽酒店入面，近奥运地铁站。去餐厅就要搭Lift 先上到去。今次Book左枱，2个人都可以坐到张4人枱，最啱就系用黎放满晒成张枱，慢慢欣赏完先食。由1月到3月，Buffet 主打「台味之旅」自助晚餐。有多款台式既食物、饮品、甜品等等。当然仲有唔少得既指定Buffet 美食喇…事不宜迟，一坐底就出去走一转，了解下今晚要「消灭」几多美食。系我思考紧食咩之际，我宝宝一如以往已经冲左去夹长脚蟹、海虾、青口、龙虾仔等海鲜。宝宝系拆长脚蟹既高手，只要D蟹脚肉质够靓、够新鲜，佢都可以完整地成条蟹肉拆出黎，就好似蟹棒咁。而我当然只需要张开口，唔洗落手就有得食喇！当然，我都有剥虾俾我宝宝食喇。Sweet~!仲有沙律面包同埋其他冻食。我就去左「日式美食区」，除左唔同款式既寿司之外，仲有刺身(4款)，指定既有三文鱼、吞拿鱼、希灵鱼，今晚仲有大大粒既带子，十分厚肉，虽然一粒巨形带子会分成4粒上，但始终都系Buffet，所以就成为左今晚第一款要「彻底消灭」既美食，姐系一
今年食第二次酒店餐厅Buffet，上次系荃湾食个间麻麻地。但今次哩间就好好多，都几高值。协奏坊西餐厅就系珀丽酒店入面，近奥运地铁站。去餐厅就要搭Lift 先上到去。
今次Book左枱，2个人都可以坐到张4人枱，最啱就系用黎放满晒成张枱，慢慢欣赏完先食。
由1月到3月，Buffet 主打「台味之旅」自助晚餐。有多款台式既食物、饮品、甜品等等。当然仲有唔少得既指定Buffet 美食喇…
事不宜迟，一坐底就出去走一转，了解下今晚要「消灭」几多美食。
系我思考紧食咩之际，我宝宝一如以往已经冲左去夹长脚蟹、海虾、青口、龙虾仔等海鲜。宝宝系拆长脚蟹既高手，只要D蟹脚肉质够靓、够新鲜，佢都可以完整地成条蟹肉拆出黎，就好似蟹棒咁。而我当然只需要张开口，唔洗落手就有得食喇！当然，我都有剥虾俾我宝宝食喇。Sweet~!
仲有沙律面包同埋其他冻食。
我就去左「日式美食区」，除左唔同款式既寿司之外，仲有刺身(4款)，指定既有三文鱼、吞拿鱼、希灵鱼，今晚仲有大大粒既带子，十分厚肉，虽然一粒巨形带子会分成4粒上，但始终都系Buffet，所以就成为左今晚第一款要「彻底消灭」既美食，姐系一定要Encore 喇！
日式美食点止刺身寿司咁简单，仲有既就系日式芝麻鸡翼、日式大阪烧饼、寿喜烧。
除左海鲜，仲有不同既热盘。法式海龙皇煲、三文鱼头面豉锅、红酒牛面肉、日式清酒煮蚬、香煎法式烟鸭胸、樱花炒野菜、日式鳗鱼炒饭、牛肝菌忌廉汁长通粉、照烧鲭鱼柳等等
肉食方面，哩间Buffet 就无主打牛扒，但系就有炭烧伊比利亚猪鞍、牛仔肉肠、法兰克福肠。今次仲有烧肉添。主打喜马拉雅山盐板烧肉，有安格斯肉眼，牛脷。仲有高级鹅肝配上苹果粒，鹅肝煎得香脆，有别以往配面包，配上苹果粒食落会几爽口，又唔会因为法包太硬太脆口，影响左食鹅肝既口感。
其实，宜家先系入正题，就系甜品！有中西式甜品，亦有台式甜品。
有自助班戟机、MOVENPICK 雪糕、呠仔糕、焦糖炖蛋、奶冻、布甸、台式爱玉、鲜果。仲有不同口味既蛋糕、挞、瑞士卷。
台式主打就有芋圆豆腐花，自助台式饮品等等
今餐Buffet 真系CP值超高，因为我地提早左订枱，每个人头都唔洗$300。提提大家，哩个优惠做到3月底就无喇，记得想去叹下奖励一下自己，就要尽快订枱喇！
张贴
