Dreamer Cafe (已結業)

终于又到星期日，出面热到痴线唔太适合做户外运动，所以去左寻找特式cafe之旅。今次跟女友嚟在近HKU既Dreamer Cafe。餐厅装潢无咩特别，不过胜在楼底高，而且有不同款式既座位。想睇街边风景既朋友可以坐系窗边位。如果想睇书或者用电脑可以坐系大枱。入面大枱旁边贴左几句文青quote，自己最钟意Believe in Yourself，作为年青人有梦想就要坚持落去，相信自己，最后一定会成功。餐牌分开food同drinks。食物得六款，咖啡就有十几款。 Dreamer Cafe既All day breakfast几丰富，芝士肠、烟肉，烟熏三文鱼都系我钟意既食材，炒蛋无滑蛋咁软绵绵，不过味道够风味。最特别应该系自家制Earl Grey苹果果酱，入面苹果粒几爽口，加左Earl Grey令苹果粒加添一份茶香。另外女友叫左鸭胸红酒汁意粉，鸭胸表面稍为煎过，肉质保持鲜嫩，红酒汁令鸭胸更香口。另外仲有芦笋洋葱等配料，味道非常丰富。Ice Latte奶味几香，唔会太甜，夏日炎炎之下饮ice latte 真系既解渴又可以提起精神。Earl Grey Choco 既茶香能够降低朱古力既甜，同时饮得出Ear