小包包 (Fashion Walk)

营业中

休息中

最近终于去咗bookmark 咗好耐嘅Little Bao 😆 佢地推出咗三款新年限定菜式，每款都几高质。(⁎⁍̴̛ᴗ⁍̴̛⁎)🌮墨西哥炸虾云吞用taco皮包成嘅炸云吞好特别，入面有好多虾肉，配牛油果酱几清新。٩(˃̶͈̀௰˂̶͈́)و🦑紫菜炸墨鱼脆脆呢个有惊喜😋 墨鱼丸炸到好香，出面嘅紫菜碎香脆，入面仲食到墨鱼粒，好弹牙，点埋黑蒜酱更加惹味。🤭🐣红米糟板烧鸡包 (新年限定)呢个系新年限定嘅红米糟板烧鸡包🐣 用咗中式红糟酱，配料仲有子姜等中式食材。佢用慢煮方式煮三黄鸡胸，肉质好嫩滑，值得一试。😛🐣炸三黄鸡包炸三黄鸡包系餐厅其中一个招牌，炸三黄鸡肉外脆内juicy 😛 啖啖肉好邪恶🤭 加上爽脆嘅青瓜同 wasabi 沙律酱解腻，好食😋🍵绿茶雪糕包 Little Bao最出名就系佢嘅雪糕包，真系好好食🥹 呢款系绿茶雪糕加炼奶，绿茶味好浓，炸馒头包住雪糕外热内冷，而家谂起都想食🤤 不过记得要快啲影完相，如果唔系入面嘅雪糕就会溶🥲🍶清酒雪糕包配姜汁红糟糖浆 (新年限定)呢款雪糕包同样系新年限定‼️炸馒头配清酒雪糕同姜汁红糟糖浆，有啖啖清酒味，唔错。