To-Gather Cafe (已結業)

上次玩左间楼上cafe都叫有得玩住食， 玩左晚。想试多几间。 性价一定要高。去到楼下都仲觉得怪怪地，但原来间cafe真系系上面。 可能我地早到冇乜人。 既然我地都坐低左， 叫完野食就开始玩！UNO玩左一铺就野食上枱， 好快手。 我地叫左任饮既party set！荔枝红茶好好饮同唔系好甜， 决定成晚都饮佢。 凯萨沙津都几大份下， 好新鲜， 冇雪柜味。 另外， 个「无得输」芝士薯条真系人如其名， 冇得输。 薯条炸到岩岩好， 上面加上溶左既拉丝芝士， 一上枱就抢食！ 其他小食成个拼盆上， 所以个样摆到好靓。 但最怕真系得个「量」字。 量大唔好食有鬼用咩， 都唔岩食， 系咪？ 不过呢个拼盆都好够诚意， 好好食， 又热辣辣咁上枱。 不过我因为唔多食甜野， 所以感觉甜左小小， 可以调整下。 如果系香辣鸡翼会更爽。 主食叫左 卡邦尼烟肉扭扭粉 同 焗猪扒饭 。个扭扭粉煮得啱啱好， 卡邦尼酱亦都岩岩好， 冇话太浓太淡。 份量亦都有跟返人数一样咁大份， 赞。焗猪扒饭， 外面好多时都系揾火枪喺上面喷一喷。 呢度睇嚟真系成个落去焗， 猪扒都好多件， 个炒饭底亦都啱啱好弹牙。 真系好食， 我哋仲估紧佢系咪餐厅