影片
更多
2005-12-17
4 浏览
"Clubbing"呢个字眼,已经比主流传媒,旺角男女全力玩谢,去pub饮野,叫clubbing,落club识女仔,又系clubbing,去D场跳舞,都系叫clubbing..............好,人云亦云,相约靓女朋友去中环"clubbing"前,在Soho脚下觅食,听友人讲Dublin Jack楼上,开左间意粉专门店,仲听闻快到几秒可煮起个pasta,对我呢个Pasta痴黎讲,真系不得不试.呢间大厦,曾几何时叫风光过,第一代私房菜黄色门依然健在,CE TOP一早比班"异族"(注)搾干搾尽.Dublin Jack自成为无烟酒吧之后,竟做不下去.除左意粉,仲有herb茶,别无其他,价钱唔贵,几草野有个PASTA,加底都系比多十几银.自助形式,排队比钱先.今次来个大蚬pasta,果然不到一会,在我面前出现.咁又无几秒咁夸.Pasta,本来就应该简单,我果个,亦不例外,蚬,辣椒,香草,橄榄油,就咁炒埋一碟,面质Al Dente,做得出色,个蚬新鲜,系嫌比较多沙.友人个日式意粉,提不起兴趣去抽水.或者个人来讲,对日式果d咩咩明太子货色,一点兴趣也没有.一个意粉,盖一个印,够十个,送一碟
,去D场跳舞,都系叫clubbing..............
好,人云亦云,相约靓女朋友去中环"clubbing"前,在Soho脚下觅食,听友人讲Dublin Jack楼上,开左间意粉专门店,仲听闻快到几秒可煮起个pasta,对我呢个Pasta痴黎讲,真系不得不试.
呢间大厦,曾几何时叫风光过,第一代私房菜黄色门依然健在,CE TOP一早比班"异族"(注)搾干搾尽.Dublin Jack自成为无烟酒吧之后,竟做不下去.
除左意粉,仲有herb茶,别无其他,价钱唔贵,几草野有个PASTA,加底都系比多十几银.
自助形式,排队比钱先.今次来个大蚬pasta,果然不到一会,在我面前出现.咁又无几秒咁夸.
Pasta,本来就应该简单,我果个,亦不例外,蚬,辣椒,香草,橄榄油,就咁炒埋一碟,面质Al Dente,做得出色,个
蚬新鲜,系嫌比较多沙.
友人个日式意粉,提不起兴趣去抽水.或者个人来讲,对日式果d咩咩明太子货色,一点兴趣也没有.
一个意粉,盖一个印,够十个,送一碟,一餐两个,真系容乜易?尢其对我呢个,会系未来熟客仔黎讲.
独孤一味卖意粉,真系好惊佢会执笠.
(注)异族,即刻由来自油尖旺的牛群,无论横睇掂睇换个角度睇,放在中环,特别与众不同.
张贴