Master Kama (已結業)

Master Kama早早就已经喺我个to go list上面，朋友约我嚟呢度食饭我当然即刻话好。墙上嘅logo写住「love at first bite」，冇夸大啊［Holy Crab，$538］我就最钟意叫set㗎喇，又唔洗拣，又抵食啲。呢一日就同朋友叫咗呢个两人餐，都几丰富啊［六小钵］呢六款前菜包括有海盐枝豆、酸辣罗勒海蚬、虎虾配芒果慕思、柚子醋海藻沙律、蟹子日式冻豆腐、蟹肉玉子烧。其中我最钟意个虎虾，好鲜味好爽；海蚬亦都又好味又大只，酸酸辣辣咁好开胃［芝士蟹肉酿蟹盖］个蟹盖充满左蟹肉沙律，creamy得嚟又食到蟹肉鲜味，加埋三文鱼籽一齐食就口感更加清新。另外好特别嘅系，上面𠮶块脆片系白饭鱼干片嚟㗎，食落非常香口又唔会腥，正［Master海鲜膏蟹拼盘］呢个拼盘除咗有眼见嘅膏蟹、带子、青口、蚬、海虾之外，底下仲有大量蔬菜，好健康啊。香草牛油汁带微辣，带出海鲜鲜味，亦令甘荀、薯仔等蔬菜更加惹味海鲜全部都大大只，而且食得出非常新鲜膏蟹更加系名副其实好多膏［蟹肉芬奴意式烤面包］面包烤得几脆身，而蟹肉份量都几多，少少嘅车厘茄同洋葱令个蟹肉酱冇咁漏，整体几清爽［抹茶蕨饼］软绵绵嘅抹茶蕨饼配黄