Pho Bar (已結業)

今日返返公司返工，等放咗工就同一个同事去食晚饭，咁就系公司附近呢一间餐厅度食饭。 见到呢一间越南餐厅未食过，咁就试下因为本身自己都几钟意食河粉同一啲越南嘢食。 咁我哋叫咗以下:爆炸鸡： 呢个爆炸鸡我觉得呢个餐前小食真系几好食，因为鸡皮脆鸡肉亦都几嫩口，再配埋佢个三色酱，我觉得一个鸡都有几种唔同口味及层次， 真系几得意 ，所以作为餐前小食我觉得呢个系推介。猪颈肉越南河: 呢个猪颈肉系我同事order嘅， 咁佢畀咗猪颈肉我试，咁我觉得个猪颈肉个味道亦都唔错，同埋我觉得每一嚿肉都大大旧，而且味道浓沃调味得唔错， 所以钟意食猪嘅朋友唔可以错过。生熟美国顶级牛肉粉:首先我哋要介绍呢度啲牛肉真系都几大块， 佢个牛整得松软易入口&唔UN， 食到啲牛的原味道， 芽菜亦非常之爽，切片嘅洋葱亦都好食。 加埋𠮶个汤底真系feel very good！ 我知越南餐厅出名食越南河粉呢一个越南河粉大家真系可以试下，都算几多料。最后如果大家行开中环呢头，又钟意食越南嘢可以试下呢间。