茶墨 (已結業)

今次第N次黎帮衬啦，贪佢够方便之余，我仲对佢𠮶个意大利低脂雪糕念念不忘。之前几次同朋友都系饮佢嘅焦糖芝士奶盖，又或者麻糬饮品，真系好似一个艺术品咁好靓，今次就试吓佢𠮶个手摇冰茶，今次叫咗柳橙冰摇茉莉($36): 本身自己饮开无糖，但系佢冇呢个选择，只可以叫少糖，同埋小冰，虽然带少少微甜，不过都可以接受。茉莉茶底饮落去好清新，而且柳橙有一种refreshing嘅感觉。自己好钟意任何citrus嘅味，晚饭之后来一杯，清吓肠胃，又可以食第二餐啦😂😂一场嚟到就系为咗俾我朋友睇乜嘢叫做好食嘅朱古力gelato！黑朱古力口味食落去唔会好苦，而且质感好绵好烟韧，密度高先会做到，证明真系真材实料。