Lucky Ristorante (已結業)

❤️头盘头盘有三款，分别系焗芝士白松露薯蓉双色磨菇，手作蟹饼配青瓜酱同埋香煎带子配芒果莎莎，蘑菇味道好香浓，充满黑松露味，超级惹味，而蟹饼就炸得好脆，好干身，配青瓜酱感觉冇咁油腻，带子亦都好新鲜，煎完都好鲜嫩，口感清新！🧡日式矶煮鲍鱼冷豆腐沙律呢个成个摆碟都好靓，鲍鱼原只上，有啲三文鱼子系上面，口感食到鲍鱼嘅爽嫩，亦都食到三文鱼子嘅鲜味，冷豆腐用麻酱去送，好清爽，再食埋啲沙律，一个好fresh嘅头盘！💛慢煮西班牙黑毛猪肋骨配秘制BBQ酱汁猪肋骨有半条，烧得好香，BBQ汁嘅味渗晒落猪肋骨入边，猪肉好嫩滑，完全唔会鞋口，再加埋好脆嘅薯格，超满足！💚西班牙辣肉肠藏红花忌廉意大利饭辣肉肠系炸脆咗，所以特别香口，意大利饭唔会好硬，软硬度啱啱好，成个饭好cream，有啲藏红花嘅清香，唔会太滞！