반찬앤쿡 Banchan and Cook (時代廣場) (已結業)

同事话 Banchan & Cook 近排转 LuLu 猪做主题。 咁又系时候朝圣一番了。 餐厅已将LuLu 猪放置哂四周， 大家可以慢慢打卡。是日午餐LULU猪粉红庆典蛋包饭 - 呢个蛋包饭都系相机行先，米饭已经整左只LuLu 猪出黎， 加埋一切开就涌出黎嘅蛋汁， 真系正。 蛋味超浓， 好香好滑。焦糖脆脆炸鸡LULU FUN享桶 - 设计得好似戏院爆谷Feel。 炸鸡上面重有少少爆谷， 几特别。 炸鸡外脆内软， 有肉汁， 热辣辣。 配上蜜糖酱， 好食好食。BIG LU汉堡 - 超多芝士判碟， 芝士控必点， 汉堡扒煎得好好， 刚刚熟， 好juicy, 要赞系个面包， 好脆好香口， 正。暖LULU香蕉朱古力奶 - 天气咁冻 饮杯热辣辣嘅朱古力奶， 身体即时暖返哂， 甜度刚好， 最紧要系朱古力奶上面又系有只LuLu 猪。