上海弄堂菜肉餛飩 (已結業)

今日人少少，突然好想饮酸辣汤，就去咗上海弄堂。装修得都几靓，座位唔密，算坐得舒服。同事叫咗虾仁跑蛋，佢话个名好过引，所以叫😂😂。菜饭好靓，都算多菜，个炒蛋都有几多虾，唔错。我叫咗酸辣馄饨。先讲馄饨，馅料新鲜，肉菜比例均匀，皮就唔似自己整，应该系攞货嘅。馄饨好食。再讲酸辣汤，酸辣度适中，无话酸到抢喉，料都算正常。不过.....个汤太"杰"，一点都唔似汤，比糊更杰，完全破坏咗成碗野，结果我饮净一半，好失望😢希望只是一失水准，竹我会因为个馄饨再黎。期望下次会饮到正常嘅酸辣汤。