HASH CAFE (已結業)

叫左一个卡邦尼意粉同两个烧春鸡意大利饭。卡邦尼意粉味道好淡，好似冇落盐咁，而且完全冇忌廉味，第一次食咁难食既卡邦尼意粉；烧春鸡味道就okay，意大利饭就有啲酸。另外我地前一晚经过店铺，当面向店员查询收唔收切饼费，当时两位职员表示佢地暂时「未有呢样野」，仲确认我地系咪想带蛋糕黎，我地话系之后店员就叫我地「可以带蛋糕黎自己切」；但到今日我地食完去埋单，店员就问我地知唔知佢地有切饼费，佢地等到我地去埋单先无啦啦问我地知唔知都好奇怪，之后我地讲番俾店员听前一晚向另外两位店员查询既事，佢就话今次就唔收我地钱，下次就要收番，我亦同佢地讲佢地要做既系通知番佢地既员工。本身去之前有朋友见到openrice呢间餐厅多负评而唔太想去，但因为我以前曾经去过一次觉得𠮶次食物质素都ok，所以最后都去番呢间，但经过今日之后，以后都唔会再去，食物难食，价钱唔系话平，店员对于餐厅规则唔清晰，希望佢地真系会统一番口径。