德美壽司

营业中

休息中

德美一向俾作为大埔居民的我嘅印象就系当区一间中上价位的日式餐厅，晚市平均一人三百都无走鸡，但今日难得放假行开德美见到一个午市lunch set只不过系$138，又海胆、拖罗、三文鱼子，无理由唔入去帮衬吓咖嘛。一嚟先上沙律，一般正常水平，但都新鲜，唔hea嘅。茶碗蒸 - 鸣门卷，银杏，香菇等，配料都几多，食味正正常常。午市寿司餐 - 赤身、油甘鱼、三文鱼、立鱼、墨鱼、车海老、带子、海胆、三文鱼子、拖罗蓉，蟹柳，样样新鲜，师父现制，我唔多讲，大家可以睇相，系好食抵食嘅。最后跟餐还有一粒日式和果子，比人感觉一啲都唔hea。整体食物质数其实同晚市相若，但价钱就相差一倍，香港地时间果然就系金钱呢。