渝味曉宇重慶老火鍋 (聚賢逸居) (已結業)

夜晚打边炉梗系正但贵好多，难得同老公清大假，食个边炉Lunch先够精彩，最正系Lunch食真系好抵食啊！餐厅光猛干净最钟意坐卡位够晒阔落，落单用QR code够方便一人一炉边炉够晒卫生啦，每人百几蚊，但个套餐好多料，我再加多4只鲜鲍都系$58。只鲍好大只，长过我只手指，食落仲好鲜甜好弹牙安格斯肥牛好浓牛味，滚廿秒就食得，好正餐入面有丸，有餐肉有肠有乌龙面同埋仲有大量菜。仲有只虾又系好新鲜，超甜鲜好味，百几蚊一个餐真系好抵，可惜午餐只系星期一至五先有，否则我真系会每个星期都嚟食一次。