當下 (翠怡花園) (已結業)

今日LUNCH想食日本野，谂谂下有间野可以试下。附近呢间餐厅之前装修完，原本系做西餐嘅，但近排转营改咗做日本餐厅。抱住试下嘅心态去试试，入到去装潢唔似一般日式餐厅，反而都系之前西式餐厅。餐牌选择都几多，最后我同朋友各自选左自己想食的定食套餐，本身仲想叫小食，但见隔离台份定食份量都好多,所以怕食唔晒浪费食物就无叫。落单店员都有推介，而且落单同上菜的速度都好快。先嚟嘅系野川牛舌丼定食，当中有三文鱼刺身，日式蜂巢豆腐渍，蟹子沙律，茶碗蒸蛋，味噌汤，水果小拼盘，牛舌丼，牛舌都几厚，口感唔错，但系啲牛舌脷胎未清理晒同三色椒比较多，有少少影响。再嚟嘅就系角切鱼生丼定食，反而这个比较有惊喜，鱼生新鲜，口感清新。以午餐嚟讲份量OK，质素嚟讲算过得去，但感觉上有改善的空间。