自然屋日本料理

营业中

休息中

今日刚好要去北角做野，自己一个行经城市花园附近，见到呢间位置唔起眼的日本餐厅，见佢望落都干净企理，决定入去试一试。入到去其实铺内都唔细，座位都算阔落，坐得几舒服。Menu 亦有好多选择，咁岩今日想食天妇罗，所以睇下有咩定食岩。点知呢个时候就有店员拎住个模型定食黎sell 今日嘅特色便当，$160，有天妇罗、刺身、豚肉、、面豉汤、炖蛋...好多款式好丰富，所以就决定拣佢。个便当等左大约15分钟就到，天妇罗淋左d烧汁上去，所以变得冇咁脆口，刺身虽然得几块，但都相当新鲜。豚肉和炸三文鱼腩味道都正常，不过不失。最惊喜就系个薯蓉和炖蛋，好好味!整体来讲，呢个午餐好丰富，可以食到咁多款式满足我嘅口瘾，而且味道唔差，服务都好好，会定时加茶。