nami.yoshoku

营业中

休息中

今日返工放饭嘅时候，咁啱见到三哥楼上有间新餐厅，见到个餐牌都几吸引就上去食。Lunch有set menu，主要系以西餐为主，本身都想试佢个港式腊味卡邦尼意粉，但因为又想食肉，所以就叫咗个红酒烩牛面颊意粉。落咗order冇耐就上咗个免费嘅云丹豆腐前菜，顾名思义就系海胆豆腐配日式酱汁，海胆嘅份量非常足够，而且亦非常巧妙咁用咗偏硬身嘅豆腐，同海胆带出咗个差别，口感更加丰富，而且配日式汁，做到开胃嘅感觉。同同事倾咗阵偈，牛面颊意粉就整好，试多次觉得几大惊喜。平时食到红酒烩牛面颊都系忟到软烂，而且会有机会因为想入味啲，而搞到外层太咸。但系呢度嘅牛面颊口感啱啱好，咬落去软熟，但仲有肉嘅质感，而且牛面颊本身系有少少筋喺入边，每一啖都有好重嘅胶质，感觉自己食咗好多骨胶原落肚。而且佢喺咁长时间嘅烹调下，都无令块牛面颊有过咸嘅情况，相信系烹调嘅时间上面都花咗唔少心机。总括而言，呢一间餐厅嘅质素绝对对得住价钱，平时经过不妨试吓。