Club Albergue 1601 (已結業)

今日Lunch又去试新餐厅，入到去餐厅环境几好， 但最令我觉得满意嘅系餐厅服务态度非常好。同朋友每人叫咗个set，包餐汤，沙律，咖啡或茶或甜品，如果想又要野饮又食甜品的话可以加28蚊要个是日甜品。 今日嘅餐汤系椰菜花忌廉汤，上汤时侍应先帮你加黑椒，汤入口需然食唔出椰菜花味，但味道都唔错。菠菜沙律入面仲有虾干同橙，味道好开胃。朋友另外叫咗两只生蚝，来自法国，啲蚝都好新鲜。 主菜我同朋友都一样叫咗碳烧法国鸭胸伴薯蓉，鸭胸好大块，啖啖肉好满足，薯蓉非常滑而且有牛油香味，另外仲配有露荀同烤菇，有肉有菜平衡返，唔会净食肉咁邪恶 XD 最后个是日甜品系伯爵茶慕斯蛋糕，伯爵茶味唔算好浓，底层仲有啲唔知系苹果定梨嘅果粒，个人觉得个蛋糕整体味道不过不失。