第一家 (已結業)

平时返工食得茶记多,今日转下口味食韩国野,呢间第一家(前身系李家)成日都经过,今次系第一次帮衬。lunch时间仲有多款套餐可以选择,梗有一款岩心口水~细味自选2人套餐($588)可以自选1份炸鸡同2份主食,虽然话2人餐,但样样份量都好多,3个人都未必食得唒无骨京葱炸鸡满满一盒炸鸡上面放左大量京葱丝,炸鸡外层香脆,入面仲保留到肉汁,而且因为无骨,可以放心大大啖放入口。京葱丝多到可以当菜食,感觉好似健康左~加埋甜甜酸酸既酱汁仲可以消除油腻感,可以食多几件~拼盘肠第一次食韩国野叫咁多肠~一份有成7款,款款都各有特式,粗既~幼既~长既~短既~唔同风味都有齐,爱肠人任万勿错过~而且仲有一大堆薯条,食哂真系饱到上心口~海鲜炸酱面又系满满一大盒,最特别既系除左传统既炸酱,仲鱿鱼同虾仁等等既海鲜系入面,当堂高级左,不过真系好大份,2个人食都应该好饱~