Mee...lemongrass (已結業)

来到铜锣湾见客，中午时间唔知食咩好。漫无目的咁走到皇室堡，见到呢一间泰国餐厅人山人海，就一于坐低试吓。原来午餐价钱好实际。朋友要咗一份海南鸡饭餐，有齐餐汤，油菜同沙律前菜，份量好多。海南鸡好滑好香，鸡味尚可 ，鸡肉颇滑，为健康起见油菜同饭都要走油，但菜一点也不老。但汤一般。但约$80已有呢一个质素实属难得！另一份自己嘅要咗扎肉鸡丝捞檬，分量一样好大！扎肉好香！反而最值得一提系白萝卜丝红萝卜丝好清新爽脆 ！令整个捞檬提升了。炒菜好香，一点也不油。最尾甜品要做一份芒果糯米饭，椰香味浓，糯米饭十分烟韧，芒果香甜。