Yours Bistro (已結業)

同几个同事慕名去呢间餐厅食LUNCH，原本都惊住好贵，但原来佢个LUNCH SET系98蚊，而且每一道食物既卖相都好好。前菜我叫左鸭肝，鸭肝配合个多士连埋D汁一齐食系超级美味，我食完一啖即刻望住一样叫鸭肝个同事话：好好食㖞！我同事都劲点头，之后就食我点既主菜～牛，（主菜叫牛加45蚊），我心谂法国菜咁平，驳得过啦。好彩我叫牛乍，原来跟薯条架，好彩个牛都好好食，控制得好好，又系一咬完第一啖又同我一样叫牛个同事互望，"个牛都好好食㖞"。最后甜品我食法式焦糖＿蛋，呢个超好食。我既建议系鸭肝＋牛＋焦糖＿蛋。不过我听其他同事讲佢地个D都好好食，ANYWAY，你唔食牛食虾都唔错。LUNCH一定唔驶等位，而且样样都好食而且平系超难得的！衬佢开左唔系好耐，个位置冇咩人知就快D去试啦！＊食完个CHEF出离同我地倾计，问我地意见，新开想要多D意见去改良同多D人知，有诚意既小店～抵撑！.......呢间餐厅仲可以包场开PARTY架